Entre Tambre e Sar

O NOSA PROGRAMA 2011 - PRESENTACIÓN

2011-05-08T15:35:00.000-07:00

O NOSO PROGRAMA. UN PROGRAMA PARA TI.

Tes nas túas mans as medidas de acción que un goberno nacionalista, un goberno do BNG, trataría de desenvolver en Brión nos próximos anos. Este programa é o froito dunha análise reflexiva de como se atopa no presente o noso Concello e de cal debe ser o seu futuro. Pero, ao mesmo tempo, este programa tamén é o resultado do intenso traballo que levamos desempeñado nas últimas lexislaturas en permanente contacto coa veciñanza.
Somos conscientes da tremenda crise, da incapacidade do Goberno do Estado para abordar con eficacia medidas de recuperación económica, do abandono das políticas de esquerda e progresistas e do perigo que corren os logros sociais do estado do benestar.
Na Xunta, o Goberno de Feijoo, unicamente está ocupado en desfacer o ben feito polo goberno do bipartito, sen políticas de acción contra a crise, o paro, a despoboación, a destrución do mundo rural e o deterioro do medio natural. De novo a emigración afecta á nosa xuventude, ademais dun paro masivo que no noso concello alcanza xa a máis de 500 persoas. Por todo isto entendemos que os concellos deben actuar como dique de contención. Desde os concellos debemos garantir os servizos sociais básicos e asistenciais. Os escasos orzamentos dos que dispomos deben dedicarse, fundamentalmente, a garantir unhas mínimas condicións de vida paro os nosos veciños e veciñas.
As nosas propostas programáticas superan, en moitos casos, o marco competencial do Concello na medida en que nos obrigan a incidir en asuntos que hoxe están en mans do Goberno Central, da Xunta, da Deputación ou mesmo son medidas de políticas europeas. Outras son propostas que nós, deliberadamente, enmarcamos no ámbito comarcal, con servizos mancomunados. Entendemos a comarca como a unidade básica territorial de Galiza que debe ser dotada de personalidade xurídica xa que posúen as dimensións máis acaídas para ser o espazo que acolla de xeito mais eficiente a inmensa maioría dos servizos e equipamentos necesarios para a vida económica, social e cultural da poboación dos concellos.

En Brión dáse unha situación moi singular: existe un goberno municipal con un alcalde que vén rexendo os destinos do concello dende o inicio da democracia fai 32 anos. Esta longa permanencia no poder permitiulle crear unha rede de intereses compartidos, de gran calado, na sociedade local e crear uns hábitos de comportamento electoral pouco democráticos. A outra rama da oposición, o PP, xogou como forza de choque practicando unha oposición virulenta e negativa, en moitos casos en contra dos intereses da veciñanza.

Ao BNG non nos gusta esta longa permanencia no poder, non nos gusta esta forma de gobernar, tampouco compartimos as actitudes que o PP veu mantendo nos últimos tempos. Nós restableceremos as vías institucionalizadas de diálogo social con todos os cidadáns e sectores sociais, potenciaremos a transparencia e a equidade na xestión e facilitaremos a participación pública no proceso de discusión e toma de decisións a nivel municipal. Abriremos os plenos, con horarios axeitados, á participación pública. O noso compromiso é o de recibir a todos e todas, escoitar e respectar as opinións diversas e logo actuar sempre baixo a perspectiva dos intereses da colectividade, do ben común, do respecto da legalidade e da igualdade de todos e todas fronte a lei.

En canto ao modelo de xestión que se veu desenvolvendo, destacaríamos os aspectos seguintes:
1.- As inadecuadas políticas de crecemento urbano baseadas, nos últimos tempos, na rápida construción de vivendas. Un crecemento urbano claramente insostíbel e hoxe paralizado pola crise. Nós, revisaremos en profundidade o Plan Xeral de Ordenación Municipal vixente que ao noso entender contempla un insostíbel crecemento urbano, con carencias nos espazos reservados para usos industriais, o lecer e para usos sociais. En paralelo deseñaremos un plan de rehabilitación de vivendas rurais, de vivenda protexida e de recuperación e fortalecemento dos núcleos existentes. Poremos en práctica políticas de asentamento e integración da nova poboación e recuperación de elementos senlleiros do patrimonio cultural e natural do concello.

2.- A calidade dos servizos públicos é moi importante, son os que determinan que os sectores sociais máis tocados pola crise aguanten e que a nova poboación se asente e integre no territorio. Moitos non son competencia directa do Concello pero os gobernos locais teñen a obriga de reclamar calidade e eficiencia a quen os prestan. Segue habendo deficiencias que afectan á subministración eléctrica, á telefonía - aínda hai moitos lugares onde non chega a banda ancha-, perdemos o servizo da oficina de correos e segue habendo desaxustes no transporte comarcal de viaxeiros que debería incrementar e reordenar o servizo ata Bastavales e a zona alta do concello. Por culpa da Xunta temos perdido o servizo de noite-bus e os servizos educativos básicos como so comedores e os post-obrigatorios tampouco están completos.

Entre os de competencia municipal, o servizo de abastecemento de augas, aínda que algo mellorado, segue a ter deficiencias. En canto á recollida de lixo cremos que a separación en orixe está sendo pouco eficaz e a viabilidade da planta de tratamento de Lousame está en perigo. Ademais, seguen aparecendo vertedoiros incontrolados, segue habendo deficiencias no tratamento das augas residuais e no control de augas de fontes de uso público. Son moi escasos os servizos da Policía Local.

3.- En canto aos servizos sociais, afirmamos, sen xénero de dúbidas, que funcionan cun certo paternalismo á vella usanza. Nós queremos avanzar na liña da promoción e da participación social das persoas, garantindo o seu acceso aos recursos en tanto que cumprimento dos seus dereitos sociais:- mellorando e creando servizos persoais que faciliten a integración social dos colectivos que parten con máis desvantaxes sociais, - creando redes de apoio que actúen con carácter preventivo ante as situacións de desigualdade social.
Neste ámbito, a aposta e compromiso do BNG durante o goberno autonómico do bipartito foi clave na creación e posta en marcha de servizos sociais públicos como as Galescolas infantís, os centros de día, o servizo de xantar na casa, as oficinas comarcais de igualdade e benestar, a concertación de servizos co asociacionismo no ámbito das discapacidades e da dependencia, a loita contra a violencia de xénero e pola igualdade de xénero, a promoción das vivendas sociais. Estes servizos sufriron graves recortes ou desapareceron, pero como goberno local impulsaremos de novo, complementándoos coas necesarias axudas e prestacións socioeconómicas e educativas.
Para abordar esta situación poñemos nas túas mans un programa innovador e un equipo de traballo con formación e ganas de traballar. De ti depende que iniciemos unha nova etapa ou que sigamos coas persoas de sempre, as actitudes de sempre e a carencia absoluta de ideas novas.

Xesús Pena Espiña

Suso Pena, o Candidato do BNG abreu o seu blog de campaña

2011-04-11T04:14:00.000-07:00

O BNG debaterá o seu programa cos veciños e veciñas das parroquias

2011-03-29T11:05:00.000-07:00

Dende o BNG de Brión imos achegarnos a todas as parroquias do concello e recoller todas as achegas dos veciños e veciñas brionesas. A pesares dos atrancos que dende a Alcaldía se nos pon para tentar falar coa veciñanza temos o intención de redobrar os esforzos para que Brión poida ter o mellor progama e o mellor goberno posíbel.

A presentación do protocolo sobre a violencia de xénero. Crítica

2011-03-04T12:40:00.000-08:00

“A presentación do protocolo sobre a violencia de xénero tivo lugar no auditorio do centro social polivalente de Pedrouzos, ante unha treintena de representantes de asociacións, institucións e entidades que participaron activamente na súa elaboración. Entre eles había miembros das forzas de seguridade de Brión, da comunidade educativa, do centro médico, dos servizos sociais, do Xulgado de 1ª Instancia de Negreira,e das asociacións cidadás. Na súa intervención o alcalde brionés, o socialista Xosé Luis García, sinalou que para porlle freo á violencia de xénero temos que colaborar todos xuntos.”
Estas son as palabras que rezaban nun coñecido medio de comunicación escrita sobre o acto de presentación do protocolo sobre a violencia de xénero, esa lacra que parece non ter fin, e por iso aplaudimos todas as medidas encamiñadas a erradicar a violencia machista.
Houbéranos gustado estar nese acto, porque tamén os grupos políticos da oposición participamos activamente na elaboración do protocolo. Gustaríanos ter intercambido opinións coas outras entidades participantes e ofrecerlles a nosa total disponibilidade porque, como, di o alcalde, “temos que colaborar todos xuntos”.
Pero, que mágoa non ter recibido ningunha notificación deste acto por parte do concello! Que vergonza nos dá que os outros participantes pensen por algún momento que aos do BNG de Brión, representados humildemente, pero dignamente por un concelleiro e unha concelleira, non nos interesen estes temas.
Que podemos nós facer nada máis que pedir aos brioneses e brionesas que disculpen ao seu alcalde por estes lapsus (bastante frecuentes, por certo), porque necesitamos crer que foi un lapsus e non unha indignidade pola súa parte o non ternos notificado a presentación do Protocolo.

Carme Robledo Muíña
Concelleira

Denunciamos nun acto a brutal subida de impostos que vai supor a nova Lei de augas aprobada polo Partido Popular

2011-03-01T11:09:00.000-08:00

O BNG de Brión realizou esta fin de semana un acto para explicar a nova Lei de auga aprobada polo PP na parroquia da Luaña. No acto participaron o Portavoz Municipal e candidato á Alcaldía de Brión, Xesús Pena e o profesor da USC, Xesús Veiga que foi deputado no Parlamento Galego.

Xesús Pena quixo destacar a importancia que a auga ten para nosa sociedade e máis nun concello como o de Brión, na que unha boa parte da súa poboación vive e traballa no rural. Segundo Pena, a auga é “un ben escaso e necesario, que non pode estar ao vaivén das marexadas políticas do PP”.

Os dous poñentes quixeron destacar que esta suba de impostos que o PP introduce coa nova Lei de augas ten como único obxectivo aumentar a capacidade recadatoria da Xunta facéndolle pagar a todos os veciños e veciñas un impostos sobre a auga. É importante destacar que o novo canon da auga non exclúe a ningún núcleo rural, nin ao de menos de 2.000 habitantes nin tan sequera aos de 500, que excluía a lei de 1993. Xesús Veiga quixo destacar que o BNG presentou no Parlamento de Galicia unha emenda neste sentido pola que se excluiría de pagar este canón aos núcleos de menos de 2.500 habitantes. Esta emenda presentada polo BNG que suporía que todo o rural de Galiza quedaría exento do pagamento deste canon foi rexeitada polo Partido Popular. Xesús Pena, Portavoz Municipal do BNG en Brión fixo fincapé na importante suba de impostos que esta nova lei vai supor para as parroquias como a da Luaña, máis se temos en conta que aqueles veciños e veciñas que teñan saneamento e abastecemento van a ver incrementado por tres o actual canon da auga.

Os veciños e veciñas que asistiron ao acto interviron facendo diferentes preguntas e manifestando a súa preocupación pola subida do canon da auga. Que paguemos todos e todas o mesmo por un ben de primeira necesidade como o da auga xerou unha profunda indignación entre os veciños e veciñas da Luaña.

Non a Lei de Augas

2011-02-24T11:35:00.000-08:00

Remitimos pregunta que nos fixo chegar un veciño de Vilariño dos Cunqueiros co rogo que a fagamos chegar oa Pleno.

2011-02-21T04:01:00.001-08:00

Remitimos pregunta que nos fixo chegar un veciño de Vilariño dos Cunqueiros co rogo que a fagamos chegar oa Pleno.

Di textualmente o que sigue:

“Bos días:

Dirixome a vostedes para transmitirlles a miña preocupación a cerca dunha nova que se publicou no voceiro do grupo socialista do concello este pasado mes de xaneiro. O titular é o seguinte: “ Brión único municipio con saneamiento en todos os fogares”. Dentro do contido cítase “Rematar o saneamiento integral de Brión é un dos compromisos que a candidatura encabezada por Xosé Luis García adquireu cos veciños en 2.007. Brión é un dos poucos concellos galegos cun saneamento de auga que chega ao 100% das localidades. Os 428.000 euros do plan Zapatero de 2010...”
Compre dicir, falando de porcentaxes, que non é verdade ao 100%. Remontámonos uns meses atrás, na revista Altamira do propio concello, nas novas referentes ao saneamiento (páxina 3) no corpo da nova cita: “As únicas excepcións serán Vilariño dos Cunqueiros e Ruibal, aldeas onde están habitadas dúas casas que terán unha solución particular para cada unha”
E eu lles pregunto: ¿Por qué? e ¿Cando?. ¿Por qué?, refírome a este trato discriminatorio cara estas dúas aldeas. Concretamente no caso de Vilariño dos Cunqueiros, só están habitadas dúas casas, certo, pero tamén é certo que as outras, concretamente catro están en perfecto estado e habitadas prácticamente todos os fins de semana, e só unha en estado ruinoso, e que cumpren obligatoriamente cos seus deberes e obrigacións relixiosamente. Por tanto se o problema é demográfico, non entendo o porqué unhas si (casos de A Igrexa ou Amanecida) e outras non (os citados anteriormente). E se prefiren non facelo, como é o caso, ¿Cal é a solución “personalizada” para cada unha das casas? E ¿Cándo se vai a facer efectiva?, porque dos 428.000 euros da partida ornamentaría destinados ao saneamento , Vilariño dos Cunqueiros non veu nin un céntimo. Aproveito a ocasión para comentarlles que o estado das pistas é lamentable, co perigo que ocasiona isto para peóns e conductores.
Sin mais, e agradecéndolle de antemán a atención amosada, envíolles un cordial saúdo.

ATENTAMENTE,
VECIÑO DE VILARIÑO DOS CUNQUEIROS (CORNANDA)”

ROGOS E PREGUNTAS PLENO FEBREIRO 2011

2011-02-15T10:38:00.000-08:00

1. Sobre o arranxo de farolas:
a. O noso grupo xa ten denunciado ante as dependencias municipais a rotura e en consecuencia o non funcionamento dunha farola sita en Agro Novo (esquina do chalet 123 na rúa que dá acceso aos garaxes) que é de total necesidade para a veciñanza ao estar situada nunha zona moi escura. A farola está rota dende o verán e vemos que o tempo pasa e segue igual.

Por todo isto rogamos ao concello en pleno que solucione, urxentemente, este problema e que se tomen as medidas legais oportunas para que os responsables do feito, de estaren identificados, se fagan cargo dos custos.
Así mesmo queremos insistir no noso compromiso a prol da redución de contaminación lumínica que afecta á zona dos Ánxeles e que se solucionaría apagando moitas das farolas que non supoñen ningún beneficio para a veciñanza e que suporía. Ademais, un importante aforro económico e ecolóxico.

2. Sobre o reparto das subvencións.

De novo este ano vemos como a Sociedade de caza de Brión se nutre dunha importante subvención de 3000 euros, caso insólito na Galiza. O noso grupo roga que o señor alcalde nos explique cal é o beneficio que trae esta actividade para o resto da cidadanía (o ano anterior díxosenos que era para repoboar o monte de coellos). O noso grupo ten noticias de que houbo protestas por parte dos veciños sobre a proximidade dos cazadores ás casas e aos camiños, incluso disparando, incumprindo a normativa vixente, soa a broma). Cremos que o diñeiro público debe utilizarse para o beneficio de todos e todas e que cada un debe pagarse as súas propias aficións, polo tanto criticamos e mostramos a nosa total disconformidade con esta subvención xa que, repetimos, non ten ningún interese social, cultural, medioambiental, económico, etc. para o concello de Brión.

3. Sobre a paralización do vial a Perrós
Queremos saber sobre a paralización do vial que vai a Perros e cales foron os antecedentes que o provocaron.

4 .Sobre verquidos no río Pego
O noso grupo ten constatado a presenza, polo mes de decembro, de verquidos no río Pego de aceites ou substancias similares. Queremos saber se o concello ten constancia deste feitos e en calquera caso rogamos que manteña unha actitude vixilante e de control sobre estes feitos dadas as características das empresas da zona.

O BNG brionés renova a súa confianza en Xesús Pena Espiña como candidato á alcaldía de Brión.

2011-02-10T14:18:00.000-08:00

Brión,02 de febreiro de 2011. A asemblea local do BNG de Brión volveu a depositar a súa confianza no seu portavoz municipal, Xesús Pena Espiña como candidato á alcaldía nas vindeiras eleccións municipais do mes de maio.
Segundo se manifestou na propia asemblea, o concello de Brión precisa un cambio, outra maneira de facer política que e so pode vir da man do BNG. Non vai vir nin do PP coas súas políticas de confrontación nin tampouco pode vir do actual alcalde que leva mais de trinta anos no poder e que nos últimos anos ven de apostar polo partido do PSOE que ten o encargo de desmontar o estado do benestar É o BNG o único que vai traballar un afortalamento na prestación de servizos públicos, na defensa do etado do benestar e que pode garantir a transparencia e “achegar” a Casa do Concello aos veciños e veciños de Brión.
En palabras do propio candidato, Xesús Pena “as veciñas e veciños Brión necesitan que o BNG teña un papel relevante no concello, que sexa parte activa das iniciativas que dende o grupo de goberno se leven a cabo”. Iniciativas que garantan a educación pública en todos os niveis no noso concello, dende infantil ate os ciclos de formación. Iniciativas encamiñadas a crear emprego sustentábel no concello e ao desenvolvemento de mercados de proximidade, os servizos público e sociais e un concello sustentable no futuro.
E para que o BNG sexa decisivo Xesús Pena quere contar cun grupo de veciños e veciñas de todas as parroquias e darlle un papel fundamental na candidatura aos mozos e mozas do concello. Segundo Pena, “ a mocidade ten que ser participe de todas as iniciativas que se debatan no pleno do concello e parte activa das decisións que alí se tomen.”
Ao longo dos meses, a asemblea local do BNG co seu candidato, Xesús Pena vaise achegar a todas as parroquias para recoller as propostas dos veciños e veciñas e resolver as dúbidas e inquedanzas destes. Un intenso e duro traballo para que o vindeiro 22 de maio o resultado das eleccións municipais sexa o mellor posíbel para Brión.
Brión 8 de febreiro de 2011

Roberto Pardal Coca

MOCIÓN PARA A CONSTRUCIÓN DUNHA ÁREA DE APARCAMENTO COMPLEMENTARIA AO TRANSPORTE METROPOLITANO

2011-02-03T12:05:00.000-08:00

O plan de transporte metropolitano de Compostela da Consellería de Medio Ambiente ten encargado a redacción dun plan sectorial de aparcadoiros que eles chaman “disuasorios” e que irían ligados ao fomento do transporte público. Estes estacionamentos disuasorios deberían emprazarse próximos a vías de gran capacidade non saturadas para recortar tempos ao máximo posible.
No caso compostelán, o plan inclúe aos municipios de Oroso, Teo, Val do Dubra, Vedra, Ames, Boqueixón e Brión.
Algúns concellos veciños nosos e próximos a Compostela parece que xa teñen deseñado estas áreas de aparcamento. No caso do noso Concello non temos coñecemento de que se estea a facer algo semellante.
O noso grupo entende que a existencia de zonas de aparcamento, gratuíto, iluminado e con certa vixilancia debe ser un complemento altamente positivo para ao transporte urbano.
a) Potenciaría o uso do transporte público metropolitano
b) Sería un elemento de seguridade para os usuarios que acoden aos puntos de embarque e deixan os seu coches, bicis e outros elementos de transporte privados en zonas seguras.
c) Podería ser un factor de potenciación do comercio e os servizos locais.
No caso do Concello de Brión entendemos que esa área de aparcadoiro complementario ao transporte metropolitano debería localizarse na zona de Os Ánxeles, xa que é onde conflúen tódalas liñas de buses. A nosa proposta é que

sexa un aparcadoiro para un mínimo de 50-80 coches, tamén con prazas para bicis e motos, iluminado, gratuíto e con unha mínima vixianza por parte da policía local. Entendemos que a zona de servidume do viaduto da autovía podería ser o lugar idóneo xa que se atopa moi perto dos enlaces da rede do transporte metropolitano.
Por todo o exposto o grupo do BNG de Brión insta ao Concello en Pleno que tome en consideración a proposta de
1. Construír unha área de aparcamento complementaria ao transporte metropolitano de Compostela coas condicións antes comentadas e na zona proposta ou ben en cal queira outro lugar que de común acordo entendamos como máis idónea

Brión 1 de febereiro 2011

Carme Robledo Muíña
Xesús Pena Espiña

DEBATE ORZAMENTOS 2011

2010-12-30T04:51:00.001-08:00

A posición habitual do noso grupo nos debates orzamentarios foi, tradicionalmente, analizar as grandes partidas, propoñer cambios e tratar de introducir novas partidas que reforzasen as políticas socias e de benestar, as accións productivas, a eficiencia na xestión e a defensa do medio ambiente. Neste senso sempre defendemos a participación cidadán na elaboración dos orzamentos e a consideración do orzamento municipal como un instrumento complementario ás diversas liñas de acción que fronte a crises deben ser abordadas dende os distintos planos polas distintas administracións, Goberno do Estado e Xunta de Galicia

Tanto para o ano que agora remata como para o 2009 xa defendíamos que era necesario incrementar substancialmente os fondos destinados a partidas en investimentos reais, as partidas destinadas á creación de emprego e promoción económica e as partidas destinadas á prestación de servizos sociais. Xa que todas, de xeito traversal, derivan directamente en riqueza, confianza e calidade de vida. Ademais que era imprescindible reaxustar ao máximo posible os gastos correntes e os gastos en persoal, é dicir buscar a eficiencia nos servizos que se prestan e nos equipamentos que se xestionan.

Na perspectiva do ingresos tiñamos xa posta a lupa sobre o insostible crecemento do concello baseado nas políticas do “ladrillo”, constatada na constante caída dos impostos indirectos (sobre construcións) que no ano 2007 alcanzaban unha previsión de 650.000 e descendían a 100.000 para o exercicio do 2010 e continúan a caer para o próximo ano. Temos falado de forzar o pacto local entre a Xunta e os concellos, reclamar un montante de transferencias ás administracións en función do nivel e calidade dos servizos que prestamos e, tamén, forzar o debate sobre a urxente reforma dos entes locais: supresión das deputacións, fusión de concellos, mancomunidades, etc.
En definitiva as nosas propostas para os anos 2009 e 2010 eran establecer liñas de acción anticrise.

Hoxe o documento orzamentario que se nos presenta para a súa aprobación reflexa dramaticamente a situación de crise e recesión. Nin o Goberno do Estado nin o da Xunta foron quen de impoñer orientacións para que os efectos da crise nos entes locais fora menos impactante. O Goberno Central primeiro negou a crise, logo puxo en marcha o Plan E (seguramente a única acción positiva) despois xa empezou a falar dos “brotes verdes”, logo intentou suprimir a capacidade de endebedamento dos concellos e nos últimos tempos acude a Bruxelas a recoller os mandatos das políticas neoliberais europeas para por en marcha o desmontaxe do estado do benestar. Pola súa banda o Goberno da Xunta, ausente, loxicamente con nada distinto ao que considera o Goberno do Estado.

O Documento representa un orzamento de “estado de guerra” onde, seguramente, nin é posible nin oportuno propoñer cambios e tratar de introducir novas partidas . Dos 4,9 millóns orzamentados 4,3 destínanse ás “operacións correntes”, 278 mil euros a amortizar débedas e tan só outros 278 mil a investimentos reais. Sobran comentarios.

O grupo de goberno debería ter promovido un acordo entre os tres grupos municipais para que pola vía do consenso acadáramos un orzamento que, aínda sen deixar de ser de “estado de guerra”, marcara liñas de recuperación, garantira as políticas sociais e non fora elemento de desconfianza e debate político municipal. Posiblemente, o Goberno Municipal, pensando nas próximas eleccións locais de maio non tivo a valentía de solicitar o consenso e o apoio dos tres grupos municipais a esta proposta orzamentaria.

En consecuencia o noso grupo non vai facer propostas de reformulación e cambios nas partidas . Vamos deixar que vostedes o xestionen , pero sen contar co noso apoio.

Brión 22 decembro 2010

Xesús Pena Espiña

MOCIÓN PARA O APOIO EXPLÍCITO Á VIABILIDADE DA PLANTA DE TRATAMENTO DE LIXO DA MANCOMUNIDADE DO BARBANZA

2010-10-17T15:29:00.000-07:00

No pasado pleno de setembro o noso grupo presentou unha moción sobre os problemas xurdidos na planta de compostaxe da Mancomunidade do Barbanza. Faciamos especial fincapé nas débedas que tiñan co mancomunidade algúns concellos, citando como os máis salientables Carnota, Ames e Noia.

No día de hoxe, e por informacións que proveñen da propia directiva da Mancomunidade e da empresa xestora da planta, parece que os problemas lonxe de solucionarse estanse a complicar.

Persisten as débedas, aínda que parece que a medio prazo pode haber algunha vía de solución executiva que obrigue aos concello debedores, pero xorden e mesmo se agravan outros asuntos como é a recente solicitude do Tribunal Superior de Xustiza de Galicia, que en fase de execución, ordena a paralización da planta.

A sentenza sobre este asunto data do ano 2006 e ordenaba a paralización da planta, debido a situación de ilegalidade urbanística pola proximidade a un almacén de explosivos do Ministerio de Defensa instalado no límite dos concellos de Rois e Lousame. Xusto agora, cando o traslado do polvorín parecía que entraba en fase de ser solucionalo (aínda que cun alto custo económico para a Mancomunidade ao dispoñer de terreos alternativos onde localizalo), chega o requirimento do Tribunal Superior que pon prazo á continuidade da actividade da planta.

É igualmente gravísima a pretensión do grupo de empresas ECOEMBES, que se dedica á recuperación do envase, por manifestaren a súa vontade de deixar de recoller, para a súa reciclaxe, o 70% dos envases a partires do próximo 1 de xaneiro de 2011. ECOEMBES fai unha interpretación interesada da Lei 11/1997 de Envases e Residuos de Envases polo que deduce que non está obrigada a tratar residuos que proveñan de actividades comerciais, agrícolas e industriais e só os que proveñen de uso doméstico. Isto suporía unha merma do 40% dos ingresos que recibe a planta, aproximadamente 600.000 €.

Os feitos descritos poñen a planta de tratamento do lixo de Servia nunha evidente situación de risco, tanto no que respeita á súa actividade industrial coma ao seu futuro económico. Ao marxe das decisións que debe tomar a directiva da Mancomunidade, os concellos non poden permanecer

impasibles, xa que está en risco un bo número de postos de traballo da comarca. Está en risco un modelo alternativo de tratamento do lixo medioambientalmente sostible e moderno, hai o risco que as taxas de recollida do lixo se disparen no futuro ou que mesmo o servizo sufra unha importante merma.

Por todas estas circunstancias é polo que solicitamos ao Concello en Pleno que tome en consideración as seguintes propostas:

1.- O Concello de Brión manifesta a súa vontade de defender e apoiar a viabilidade da planta de tratamento de lixo da Mancomunidade do Barbanza.

2.- O Concello de Brión manifesta que o modelo de tratamento de lixo da planta do Barbanza e un modelo medio-ambientalmente dos máis avanzados de Europa e tamén economicamente sostible.

3.- O Concello de Brión manifesta o seu firme apoio ás reivindicaciónsa dos/as traballadores/as da planta de Lousame e dos servizos de recollida.

4.- O Concello de Brión reclama que as administracións e outras entidades implicadas no futuro da planta se senten a negociar co ánimo de buscar solucións que permitan a viabilidade da planta.

Brión 15 outubro 2010

Carme Robledo Muíña

Xesús Pena Espiña

Profesores XA!

2010-10-14T11:15:00.000-07:00

No insituto de Brión , esiximos máis profesorado

· A visita de Bieto XVI vai supor un gasto de 3 millóns de euros en só 8 horas

· A sociedade de xestión do Xacobeo vai supór para nosos petos 40 millóns de euros no 2010.

· A Xunta renova o concerto con 5 colexios que separan ao alumnado por xénero por máis de 1000 millóns de euros en catro anos.

· O PP na Xunta reduce o gasto en educación en 33 millóns de euros no 2010.

· Milleiros de libros de texto en galego podrecendo por culpa do decreto contra o galego

· Deficiencia de profesorado nos centros públicos ( Brión, Muros…)

PROPOSTA PARA O ACONDIONAMENTO DE EDIFICACIÓNS QUE QUEDARON SEN REMATAR NO NOSO CONCELLO.

2010-09-09T09:20:00.000-07:00

O Grupo municipal do BNG de Brión ven de presentar unha moción no Concello instando a que o goberno local tome medidas de seguridade para aplicarlle as vivendas que, fundamentalmente debido a crise, quedaron sen rematar e poden presentar un perigo para os veciños e/ou viandantes. En concreto chamamos a atención sobre un bloque de vivendas no Tremo, nos Ánxeles, da que se adxuntan dúas fotos, que un vez rematado se atopa en práctico estado de abandono e ruína, co agravante que se atopa as beiras da estrada de Noia por onde pasan diariamente moita xente, e o perigo de desprendemento de vidros ou losetas é constante.
Nos solicitamos que o Concello obrigue á empresa a que tomar medidas de protección ou ben que o propio Concello proceda ao valado da vivenda para illala da vía publica.

Un dos funestos resultados da crise económica foi e é o abandono de construcións sen rematar que están a provocar malestar na cidadanía. O noso concello tampouco é alleo, por desgraza, a esta situación e son bastantes os edificios que están a sufrir as consecuencias dun deterioro progresivo e implacable que é precisamente o motivo desta proposta do BNG. Sabemos que o noso concello ten unha ordenanza que contempla con exactitude o que se debe facer en casos de abandono de edificios e que cremos se ten que trasladar a estes novos edificios que non parecen ter dono.
En concreto falamos da construción que está sita na avenida de Noia e que ten unha fachada de lousa. Son vivendas que presentan un estado ruinoso, con lousas que se desprenden, cristais rotos, portas destrozadas, e un entorno abandonado.

Somos conscientes da dificultade do concello para intervir en propiedades de uso privado, mais tamén cremos que o concello ten responsabilidade cos seus cidadáns que transitan pola vía pública e que se poden ver afectados.

Polo tanto propoñemos ao concello en pleno que teña en consideración a seguinte proposta:

1. Que se comunique coa empresa construtura para que vixíe a obra ou a aille da vía pública.
2. De non ser posible, que o concello advirta con carteis do perigo da zona ou ben que proceda ao seu illamento da vía pública co fin de protexer aos cidadáns.

Brión 3 de setembro 2010

Carme Robledo Muíña
Xesús Pena Espiña

ROGOS E PREGUNTAS PLENO XUÑO 2010

2010-06-17T14:50:00.000-07:00

1. Recentemente téñense realizado obras de mellora na estrada da Luaña (Igrexa) até A Amañecida no tramo da estrada de competencia da Deputación da Coruña. Neste tramo mellorado quedaron sen arranxar uns 250 metros na zona da curva no núcleo da aldea. Xustamente, segundo nos teñen comentado usuarios desta estrada, no tramo máis complicado xa que coincide co paso pola aldea e nunha curva moi pronunciada.
O noso grupo quere saber cales foron as razóns de que no se teña arranxado este tramo e se hai algún problema coa delimitación das propiedades nesa zona.

2. Despois de que a actual Xunta paralizara o Plan Sectorial de Vivenda feito polo anterior goberno do bipartito, e que se concretaba no caso de Brión na área de Villa Amalia, o noso grupo ten recibido queixas de veciños sobre o lamentable estado actual desta finca o que puidemos constatar facendo un percorrido pola mesma. Referímonos aos sumidoiros que están sen fechar e que supoñen un perigo para persoas e animais que pasean ou simplemente se adentran por curiosidade na finca, xa que en ningún lugar se prohibe o paso ou se indica con sinais a perigosidade do lugar. Ademais convén dicir que a profundidade destes “foxos” impide saír deles se alguén cae.
Rogamos que o concello adopte medidas oportunas e proceda a tapar estes buratos.

3. O entorno exterior do campo de fútbol de Brión atópase nun estado de aparente abandono. As zonas que quedan entre as beirarúas e o peche do campo presenta un mal aspecto, aínda que nos últimos días estáselle a botar mais terra, procedente do desmonte da piscina, sospeitamos que vai quedar así. A nosa proposta é que toda a zona do entorno exterior do campo se someta a un proceso de axardinamento, con céspede, arbores e plantas ornamentais e que ademais nas dúas entradas se coloquen papeleiras no exterior.

4. O noso grupo ten recibido queixa de que nalgunhas pistas forestais da zona alta do concello se está procedendo a reforzar o seu firme utilizado material de refugallo da construción. En concreto, nas imaxes que se adxuntan, recolle a actuación realizada na pista que sobe desde A Amañecida cara á planta de depósitos de materias de refugallo de obras no concello de Lousame.
Os materiais utilizados para o reforzo do firme son os propios dos restos de refugallos das obras, triturados pero sen unha axeitada separación e selección, polo que se esta a utilizar nos recheos materias cerámicos, ladrillos, restos de cementos pero tamén materias plásticos, cables eléctricos, restos de metais, etc..

O noso grupo quere saber :

a. Se este material procede da planta de Lousame.

b. Se son os operarios do Concello que fan as obras de reforzo dos camiños.

c. Se o Concello está a facer un seguimento destas obras e do cumprimento das normativas medio-ambientais para a utilización de materias de refugallo da construción.

Xa esta na rúa o noso novo voceiro

2010-04-23T05:29:00.000-07:00

Xa sae quentiño do forno o novo voceiro da asemblea local de Brión. Se picas no enlace podes descargalo e desfrutalo.
http://docs.google.com/fileview?id=0BzGYrWELLh-6OGFlNmIwZDUtNjZjYi00Mjc5LTljMTUtNjMwYzVlMjExZmJm&hl=es

PROPOSTA PARA CORRIXIR O MAL FUNCIONAMENTO DOS SERVIZOS QUE PRESTA FENOSA

2010-03-11T05:23:00.000-08:00

Axuntamos a moción que vimos de presentar no rexistro do Concello en relación as deficiencias na subministración eléctrica en certas zonas do Concello. Tratáse dun problema que xa ven de vello. En outras ocasións forona frecuentes os cortes nas zonas de Bastavales e nos Anxeles, daquela eran cortes intermitentes non de longa duración, pero que teñen causado graves prexuizos aos usuarios, xuntamente por ser intermitentes.

Nos últimos tempos , último mes, vólvense a producir cortes frecuentes na zona de Liñares e tamen en Boullón e O Cabo. O problema é especaialmente grave e frecuente en Liñares o que ten levado aos veciños da zona a realizar unha recollida de sinaturas para denundciar os feitos.
Tamén se da o problema na zona de Os Anxeles, por exemplo o pasado domingo houbo un corte de luz que durou desde a tres da tarde ate a oito da noite, e mesmo pola noite houbo algún corte intermitente.
A nosa proposta é que o Concello reclame a FENOSA a resolución das deficiencias e que tamén se poña en coñecemento da Consellería de Industria estes feitos.

"O noso grupo tense dirixido a este concello en distintas ocasións e a través de mocións e preguntas sobre o mal servizo, xa endémico, na subministración eléctrica da empresa FENOSA. Temos dito que esta situación é propia dun concello pertencente a unha república bananeira e que alguén terá que asumir as responsabilidades desta disfunción nos servizos eléctricos que tanto prexudica aos cidadáns. Cremos ademais que xa non serven escusas e que isto ten que mudar de xeito inmediato.

De novo volven a aparecer deficiencias no servizo. Cortes de luz, como os ocorridos o domingo día 7 de marzo ao longo do día na zona de Os Ánxeles, e os constantes cortes no subministro na zona de Liñares e Boullón ao longo do último mes e que mesmo ten provocado unha recollida de sinaturas entre os veciños e veciñas de Liñares afectado/as. Non parece que os cortes se deban aos problemas dos temporais xa que son moitos os que se dan en dias de calma, como os do pasado día 7.

É por iso polo que solicitamos ao Concello en pleno que tome en consideración a proposta seguinte:

1. Que o Goberno Municipal faga as xestións oportunas e urxentes para solucionar este problema que afecta a boa parte da poboación brionesa e que acade un compromiso coa compañía eléctrica FENOSA esixíndolle pór fin a esta lamentábel situación.

2. Dar conta deste mal servizo que presta a compañía FENOSA á Consellería de Industria para que a Xunta de Galicia tome as medidas oportunas."

Brión 9 de marzo de 2010

Carme Robledo Muíña

Xesús Pena Espiña

O BNG traballa para que Brión teña un desenvolvemento sostíbel

2010-03-09T03:09:00.000-08:00

Dende o BNG local presentamos a proposta a favor dos hortos urbanos ou hortos nas cidades, que nos permiten ademais de conservar os espazos verdes, promover valores de solidariedade, cooperativismo e respecto ao medio ambiente. Sendo un proxecto aínda moitísimo máis integrador se se traballa nas hortas con persoas con discapacidade, da terceira idade e sobre todo cos centros escolares que ademais están concentrados na zona que pensamos óptima (no terreo que hai ao lado do campo de fútbol con máis de 14.000 metros cadrados) Con esta proposta dende o BNG queremos fomentar un conxunto de valores que se poden condensar na aseveración de que “un outro mundo é posíbel”
E dentro deste outro mundo posíbel enmarcase outra proposta como é a da creación dun carril-bici. Dende o grupo municipal instamos ao goberno municipal para que encargue aos servizos técnicos do Concello o estudo dun proxecto, que en paralelo ás novas vías en construción leste e oeste, uniría de xeito circular Bastavales con Brión. Queremos igualmente que se estude a posibilidade de incluír este proxecto dentro do Real Decreto-Lei 13/2009 (Plan E) para poder financialo.
Do mesmo xeito, e tras as diferentes queixas que nós tiñan chegado de veciños e veciñas da zona de Curixido sobre o nivel de ruído que producía a empresa Ecowarm de Galicia-Resifo, o grupo municipal propuxo a aplicación de medidas correctoras a aplicar á fabrica, instando ao concello para que obrigase á mesma a aplicalas. A empresa mostrouse predisposta a paliar esta situación nun acordo cos afectados polo que dende o BNG de Brión lle trasladamos os nosos parabéns aos veciños e veciñas que traballaron para buscarlle unha solución.

Así memso, dende o grupo nacionalista instamos ao Concello en Pleno para que tomase o acordo de dirixirse á Dirección Xeral de Obras Públicas da Xunta de Galicia para solicitarlle a instalación de pantallas antirruído no tramo da autovía Santiago-Brión no tramo do viaduto de Lamiño no lado pegado ao núcleo de poboación de Adoufe

Dende o BNG de Brión, conxuntamente co grupo municipal do BNG de Ames presentamos unha emenda aos orzamentos da Xunta en relación ao proxecto do polígono dos Barreiros que segundo os Plans Xerais de Brión e Ames este ocuparía unha superficie de case 130 Ha, correspondendo o 28% ao concello de Brión e o 72 % ao concello de ames. Igualmente contemplase que este parque industrial debería ser desenvolvido polo Instituto Galego de Vivenda e Solo. A emenda entendía que era urxente que a Xunta de Galicia no seu proxecto de orzamentos para o ano 2010 dotase unha partida destinada a iniciar o proceso de construción deste novo polígono intermunicipal dos Barreiros. Esta partida debería ser, para esta fase inicial, non inferior a 500.000 euros. O goberno do PP na Xunta fixo caso omiso a esta proposta.

ENTREVISTA AO PORTAVOZ XESÚS PENA ESPIÑA

2010-02-23T14:55:00.000-08:00

Véñense de aprobar os Orzamentos para o ano 2010, o BNG votou en contra. Cales son as razóns do seu voto contrario?
O orzamento deste ano non se axusta aos parámetros dos fortes reaxustes realizados sobre o orzamento do exercicio 2009 mediante o PLAN DE SANEAMENTO que nun exercicio de responsabilidade dos grupos da oposición, e en particular do BNG, respaldamos. Nós no seu momento criticamos con dureza o orzamento do 2009 por que entendiamos que era un orzamento alegremente inflado, negador da forte crise na que xa estabamos instalados, seguramente seguindo as liñas argumentais do PSOE que, como todos sabemos, se negou a recoñecer a crise ate que lle caeu encima. O Plan de Saneamento deunos a razón e algunha das propostas que nós formularamos como críticas foron logo, no mes de xullo, incorporadas ao Plan.

Que é o Plan de saneamento? É un plan que recorta os gastos correntes, unha lixeira suba de impostos e unha operación de endebedamento de 600.000 euros a seis anos para dispoñer de liquídez

Como se estruturan para este ano as grandes partidas do orzamento?
O investimento real é mínimo. Estas partidas, que repercuten directamente no benestar da cidadanía e na creación de riqueza, pasan do 31% do 09 con 2.091.862 Euros ao 20%, para este ano con 1.227.770€, unha caída do 41,30% respecto aos datos do ano 09.

Pero, é certo que baixan os gastos de persoal?
Na revista Altamira, o grupo de goberno do PSOE fala dun descenso nos gastos de persoal, pero é mentira, xa que eses gastos pasan do 31,25% do 09 ao 34,45% para o 2010, en termos absolutos hai unha pequena caída, pasando de 2.109.254€ para o 2009 a 2.099.864 € para o 2010, pero iso foi debido a que o total dos orzamentos baixou para este ano nun 10%, pasando de 6.748.008€ do 2009 a 6.094.887€ para o 2010, é dicir 653.121€ menos.

Que opina en relación ás previsións de ingresos?
É altamente ilustrativo o descenso da suma de impostos directos + impostos indirectos + taxas e prezos públicos que pasa do 53,9% do 09 ao 40,7 % para este exercicio. Tecnicamente sempre se recomenda que estas tres partidas cubran, cando menos, o 50 % do orzamento. Neste punto é moi significativo a caída dos impostos indirectos ( sobre construcións) que descende a 100.000€ cando no ano 09 era 315.000€, no 08 450.000€ e 650.000€ no 07. O feito indica un crecemento do concello baseado nas políticas do “ladrillo” , absolutamente insostibles.

Que partidas votan vostedes en falta?
Partidas que poderían reforzar as políticas anticrise ou ben carecen de dotación orzamentaria, ou ben levan unha dotación moi cativa. Se ben algunhas carencias son derivadas directamente das políticas restritivas do actual goberno do PP na Xunta de Galicia, como son os casos de vivenda protexida ou chan industrial. Pero logo as partidas dedicadas a acción social no referente a calidade e eficiencia dos servizos que se prestan, nin tan sequera se alcanza o 7% do total do orzamento que é o umbral mínimo necesario estimado. Ademais faltan partidas para políticas medio-ambientais, políticas de protección e recuperación e posta en valor do rico patrimonio histórico de Brión. A partida para a cooperación internacional tan só representa un irrisorio 0.05%

Pero a pesares do seu voto en contra do orzamento, as relacións entre o grupo de goberno do PSOE e o grupo municipal do BNG son mellores ca noutros tempos?
Nós aspiramos a gobernar, pero nestes momentos estamos na oposición. A nosa liña de oposición e claramente constructiva, o noso compromiso é resolver os problemas dos veciños e veciñas e non o de crear problemas onde non os hai. Neste sentido se os demais grupos aproban as nosas propostas, estupendo, se non as queren aprobar terán que explicar as súas razóns. Polo demais non compartimos a liña de oposición que fai o PP como tampouco compartimos as formas de gobernar do PSOE de Brión, e en particular do sr. alcalde que manexa o concello como se fora a súa empresa particular.

Pero o sr Alcalde case sempre apoia as vosas propostas, como interpretan este feito?
Por que son propostas construtivas, feitas para resolver problemas dos veciños e non lle resulta fácil rexeitalas, por exemplo a nosa proposta de arranxo das pistas do colexio de Pedrouzos co cargo ao chamado Plan E . Pero ademais hai un cambio de estratexia do alcalde. Depois das eleccións autonómicas, coa chegada de novo do PP á Xunta, ao alcalde mudáronlle as perpectivas, as tentacións de deixar a alcaldía para irse para a Xunta xa non son posibles, ademais o perigo de que o PP avance é real. A intención do alcalde é xogar a “partida” non a tres senón a dous e niso está moi equivocado xa que como di o conto “ quen reparte leva a mellor parte”.

En que se basea para denunciar que o alcalde manexa ao Concello como se fora a súa empresa particular?
Ten a deformación de trinta e tantos anos de alcalde, pensa que posúe a verdade absoluta e a razón en todo e iso lévao a non pactar coa oposición nin os orzamentos nin os plans anticrise do Goberno central, os chamados Plan E que lle aportaron ao noso Concello maís de 2 millóns de euros nin outros grandes proxectos que xa están en marcha como o da piscina ou a nova casa do Concello, estes dous últimos avalados polo noso grupo e criticados polo PP. Outros proxectos, que polo afán de excluírnos, fracasaron estrepitosamente foron os proxectos de “Villa Amalia” ou os proxectos de dotar ao noso concello de chan industrial.

O grupo de goberno, aínda que agora están no PSOE foron moitos anos independentes, parece que seguen mantendo unha certa distancia co PSOE?
Iso non é de todo certo, a mellor proba do que digo é que no pasado pleno o noso grupo presentou unha moción de apoio a lei de caixas e á súa fusión, o PSOE local seguindo as ordes de Santiago e de Madrid votou en contra, sabendo que a alternativa é a fusión con caixas non galegas e polo tanto moi perxudicial para a economía do país e en consecuencia dos aforros dos galegos e galegas.

ROGOS E PREGUNTAS PLENO FEBREIRO 2010

2010-02-17T13:38:00.000-08:00

1. Ao longo do 2009 o noso grupo presentou varias propostas nas sesións plenarias que o Grupo de goberno deu por boas. Chegamos ao 2010 e constatamos que algunhas das nosas reclamacións seguen sen resolver, non sabendo no día de hoxe o motivo polo cal non se teñen levado a bo porto.

Estas son algunhas das cuestións formuladas no seu tempo e que quedaron en promesas. Queremos saber se o sr. Alcalde se ten esquecido ou é simplemente unha falta de incumprimento de palabra:

a). Pleno outubro 200: Colocación dun espello convexo nos accesos dende a urbanización das Hortensias nos Ánxeles cara á estrada dos Ánxeles a Pedrouzos (AC 451) pola beira do río Pego no Río Pego. Poñerase?

b). Pleno outubro 2009: Acórdase que o Concello se dirixa á Dirección Xeral de Obras Públicas da Xunta de Galicia para solicitarlle a instalación de pantallas antirruído no tramo da autovía Santiago-Brión no tramo do viaduto de Lamiño no lado colindante ao núcleo de poboación de Adoufe. Que xestións se teñen feito e resultados?

2. A finais do pasado mes de xaneiro témonos enterado que se acometeu a substitución das plataformas salva-escaleiras da Casa do Concello e da Casa da Cultura por outras novas acolléndose a un plan provincial da Deputación de eliminación de barreiras arquitectónicas e por un valor aproximado de 30.000 €. As plataformas substituídas foran instaladas a principios desta lexislatura, polo tanto levaban pouca mais de tres anos en funcionamento.

O noso grupo quere saber:

a) Cales foron as razóns do cambio das plataformas xa existentes polas novas.?

b) Cal foi o custe das plataformas substituídas?

c) Cal foi o seu uso ao longo da súa curta vida?

d) Non entende o Goberno Municipal que é un mal uso dos recursos públicos volver a acollerse aos plans da deputación para cambiar unhas plataformas por outras cando as cambiadas deberían estar en perfecto estado de funcionamento, xa que, cando menos, o súa utilización debeu ser moi escasa e o tempo que levaban instaladas era de escasamente tres anos.

3. No pleno abril 209 onde denunciamos que na Igrexa de Viceso permanece nun dos laterais unha placa de mármore conmemorativa cunha listaxe dos caídos do bando “nacional”. Acordamos que o Concello se dirixirse ás autoridades eclesiásticas para que en aplicación da Lei 52/2007 procedan de inmediato a retirar as placas conmemorativas que poidan existir tanto no exterior coma no interior das igrexas do Concello de Brión.

Cremos que xa se lle deu un tempo máis que razoábel ao bispado para que se puxera mans á obra e a retiran ROGAMOS que que o concello tome as medidas que a lei lle outorga.

4.- Tense debatido en varias ocasións neste Pleno o estado da instalación das gradas e dos aseos públicos no campo de fútbol de Brión, mesmo ten sido causa de polémicas nos medios de comunicación e e publicacións partidistas do PP e do PSOE, acusándose uns a outros de mentireiros. O certo é que no momento presente a ampliación da grada está sen facer e a que xa está instalada é como sen non estivera xa que cando chove a auga pasa dun lado a outro. É evidente que ten un problema de deseño técnico, xa que non protexe aos espectadores nin da choiva nin do vento.

Dos baños, nada que falar, simplemente non existen.

ROGAMOS que o Goberno Municipal axilice estas obras tan necesarias.

5.- De novo nos atopamos nos medios de comunicación coa polémica sobre o asunto do edificio do vello IES de Viceso: o estado de abandono no que se atopa, de quen é a propiedade, o tema do rexistro etc. O momento álxido do asunto é cando a Consellería de Educación pretende facer a entrega do edificio ao Concello, e este, por mandato do sr. Alcalde se nega a aceptalo e devolve as chaves. A polémica é tan cómica que os argumentos que se manexan parecen mais propios dunha “comedia buffa” que dun asunto de xestión municipal serio.

Como se pode negar o Goberno Municipal a recibir da Xunta a título gratuíto, un edificio, que aínda que deteriorado ten un gran valor en conxunto tanto pola construción como pola parcela na que está situado.?

O noso grupo ROGA ao sr. Alcalde que negocie coa Consellería de Educación unha partida económica para repoñer os danos causados no inmoble pero que en calqueira caso que non se rechace recibir este ben que pasaría ao patrimonio público do noso Concello

Brión 15 de febreiro de 2010

Carme Robledo Muíña

Xesús Pena Espiña

Ducias de milleiros de persoas toman Compostela para defenderen a lingua

2010-01-21T11:21:00.000-08:00

FOTO : David Pena
Despois dunha xornada de folga masiva no ensino público e de ver como a capital de Galiza se colapsaba coa chegada de manifestantes nun día laborábel, o PPdeG teima en pechar os ollos e falar de "presións" contra a "maioría social".

Moción relativa a unha proposta de axuda urxente para a República de Haití

2010-01-16T07:50:00.000-08:00

Sabemos polos medios de comunicación dos gravísimos danos que ven de producir un forte terremoto na República de Haití. Os mortos e desaparecidos cóntanse xa por decenas de miles e os danos materiais son incalculables. Tanto as ONGs de axuda, a ONU como diversos gobernos están a facer dramáticos chamamentos á solidariedade e realizando o envío urxente de axudas e medios.

Salvar vidas, dar de comer e de beber, subministrar medicamentos básicos, recuperar e dar sepultura aos numerosos mortos e desaparecidos parece que son as tareas prioritarias e urxentes nas que se está a traballar.

A Organización Local do B.N.G. de Brión recibindo o eco das secuelas da catástrofe e recollendo os chamamentos das distintas organizacións de axuda solidaria queremos implicar a toda a cidadanía nunha campaña de axuda solidaria global. Entendemos que os concellos son excelentes institucións onde se pode fomentar a solidariedade poñendo os medios necesarios para que os cidadáns que, voluntariamente queiran axudar, o poidan facer comodamente e o mesmo tempo con garantías de bo destino das súas axudas.
Neste sentido temos a ben propoñer ó Goberno Municipal as seguintes medidas de carácter urxente:

1.- Aportar unha dotación en diñeiro directamente polo Concello destinada a paliar as necesidades mais urxentes dos afectados polo terremoto. Simbolicamente poderíamos aportar 50 céntimos de euro por habitante.

2.- Realizar unha campaña de información facendo un chamamento á solidariedade e indicar a tódolos cidadáns onde poden facer efectiva as súas axudas.

3.- Abrir unha conta bancaria para que tódolos cidadáns de Brión poidan facer apartacións económicas.

Brión a 14 de xaneiro de 2010

Carme Robledo Muíña
Xesús Pena Espiña

2010-01-15T10:37:00.000-08:00

DEBATE ORZAMENTOS 2010. A EXPLICACIÓN NOSO VOTO NEGATIVO

2009-12-16T11:04:00.001-08:00

Convén recordar:
A importancia do orzamento para os tempos de crise, como instrumento básico para reactivar as economías produtivas, fomentar as políticas de emprego e dar cobertura a políticas sociais.
É tamen importante, na nosa opinión, de incentivar a participación cidadá na elaboración de contas transparentes no camiño do que que se vén chamando “orzamentos participativos”.
O documento orzamentario que hoxe se nos presenta para a súa aprobación non parece axustarse aos parámetros dos fortes reaxustes realizados sobre o orzamento do exercicio 2009 mediante o PLAN DE SANEAMENTO que nun exercio de responsabilidade dos grupos da oposición, e en particular o BNG respaldamos. Nos no seu momento criticamos no con dureza o orzamento do 2009 por que entendíamos que era un orzamento alegremente inflado, negador da forte crise na que xa estabamos instalados, seguramente seguindo as liñas argumentais do PSOE que, como todos sabemos, se negou a recoñecer a crise ate que se lle caeu encima. O Plan de Saneamento deunos a razón e algunha das propostas que nos formularamos como criticas foron logo, no mes de xullo, incorporadas ao Plan.
Hoxe volvemos a decir o que xa decíamos o ano pasado: ” as liñas de acción fronte a crises deben ser abordadas dende os distintos planos das distintas administracións e sen dúbida dende a administración local pódense realizar moitas accións complementarias das políticas xerais anticrise.
O noso grupo entende que nestes momentos é necesario incrementar substancialmente os fondos destinados a partidas en investimentos reais, as partidas destinadas á creación de emprego e promoción económica e as partidas destinadas á prestación de servizos sociais. Todas conxuntamente e de xeito traversal derivan directamente en riqueza, confianza e calidade de vida.
Por outra banda é imprescindible restrinxir ó máximo posible os gastos correntes e os gastos en persoal non vinculado directamente ás actividades produtivas, é dicir buscar a eficiencia nos servizos que se prestan e nos equipamentos que se xestionan e reducir a burocracia”.

Este proxecto de orzamento do 2010 segue tendo o mesmo deseño estructural que os pasados orzamentos, é decir, é un orzamento pensado para “navegar” na tormenta da crise, pero non para contribuir a superala:
Fronte ao consenso co que acometeu o plan de saneamento do mes de xullo, e como xa comentamos, foi aprobado de xeito unánime, esta proposta de orzamamento 2010 nace sen o máis mínimo consenso.
Polo demais:

1.-INVESTIMENTO REAL MÍNIMO ( “gastos destinados a creación de infraestuturas e a creación ou adquisición de bens inventariables necesarios para o funcionamento dos servizos”, é decir gastos que repercuten directamente no benestar da cidadanía e na creación de riqueza): Pasa do 31% do 09 ao 20%, de 2.091.862 Euros a 1.227.770 € cunha caida do 41,30% respecto aos datos do ano 09. Practicamente a totalidade do descenso do orzamento 2010 respecto ao do 09 é absorbido polo descenso nas partidas de Investimentos Reais.
2.- SEGUEN A AUMENTAR OS GASTOS DE PERSOAL En Termos absolutos hai unha pequena caída de 2.109.254 € para o 09 a 2.099.864 € para o 10, pero en termos relativos pasamos do 31,25% do 09 ao 34,45% para o 10. Nós entendemos que esta situación é consecuencia dun cadro de persoal excesivo, pouco adecuado ás necesidades reais e aos servizos que se deben prestar, e si máis en función dos intereses políticos do grupo gobernante. É decir unha forte hipoteca para o futuro do Concello.
3.- SEGUEN AUMENTADO OS GASTOS CORRENTES (“Gastos en bens e servizos que non producen un incremento do capital ou patrimonio público”). Pasan de 1.897.891 € do 09 a 1.984.699 € do 10 , do 28,12% ao 32,56%
4.- DIFERENZAS DESCOMUNAIS entre os Gastos de persoal ( capit. 1) máis Gastos Correntes (Capit.2) en ralación aos Investimentos Reais (Capit.6), é decir: 2.099.864€ + 1.984.699€ = 4.084.563 € o 67 % do total do orzamento fronte a 1.227.770€ o 20,14%.
5.- EN RALACIÓN AO ESTADO DE INGRESOS é altamente ilustrativa o descenso da suma de impostos directos + impostos indirectos + taxas e prezos públicos que pasa do 53,9% do 09 ao 40,7 % para este exercicio. Tecnicamente sempre se recomenda que estas tres partidas cubran, cando menos, o 50 % do orzamento. Neste punto é moi significativo a caida dos impostos indirectos ( sobre construccións) que descende a 100.000€ cando no ano 09 era 315.000€, no 08 450.000€ e 650.00€ no 07. O feito indica un crecemento do concello baseado nas políticas do “ladrillo” , absolutamente insostibles.
Analizando as partidas chama a atención os datos dalgunha delas, vexamos:
1.--Son excesivos os gastos en enerxía eléctrica que segue aumentando ( 191.300€ fronte aos 183.000€ do 09) seguramente derivados da carencia de eficaces políticas de control, aforro e eficiencia enerxética. [debería ser, incluso, menor xa que houbo un cambio no alumeado público, con luces de menos consumo]
Pola contra partidas que poderían reforzar ás políticas anticrise ou ben carecen de dotación orzamentaria, ou ben levan unha dotación moi cativa. Se ben algunha carencias son derivadas directamente das políticaas restrictivas do actual Goberno da Xunta de Galicia como son os casos de vivenda protexida ou chan industrial.
2- As partidas dedicadas a ACCIÓN SOCIAL no referente á calidade e eficiencia dos servizos que se prestan, nin tan sequera se alcanza o 7% do total do orzamento que é o umbral mínimo necesario estimado.
3.- Políticas medio-ambientais: sen dotación
4.- Políticas de acción para o aforro e a eficiencia enerxética: sen dotación
5.- Políticas de protección e recuperación e posta en valor do rico Patrimonio Histórico de Brión: sen dotación.
6.-Partidas para a cooperación INTERNACIONAL: partida irrisoria 0.05%
Estas son as nosas propostas e as nosas críticas que seguramente configurarían un orzamento máis apropiado para os tempos de crise e netamente distinto ao que vostedes presentan. ENTENDEMOS QUE EN MOMENTOS DE CRISE PODE SER POSIBLE CERTAS DEFICENCIAS E DESAXUSTES EN ALGUNHAS PARTIDAS, O QUE NON É DE RECIBO É A CARENCIA DE DIÁLOGO E BUSCA DE CONSENSOS.
EN CONSECUENCIA O NOSO VOTO É UN VOTO NEGATIVO

Brión 16 decembro 2009
Xesús Pena Espiña
Carme Robledo

O BNG convoca este domingo unha concentración en solidariedade con Aminatou Haidar

2009-12-11T08:21:00.001-08:00

Este domingo día 13 o Bloque Nacionalista Galego convoca unha concentración en apoio á activista saharuí Aminatou Haidar ás 12:00 na compostelana praza do Toural. Entre outros representantes da formación participará o seu portavoz nacional, Guillerme Vázquez

PROPOSTA DUN PROGRAMA DE REFORZO EDUCATIVO ESCOLAR

2009-12-01T11:09:00.000-08:00

É sabido que hai alumnado neste Concello, de Educación Primaria e Secundaria, que presenta dificultades relacionadas coa ausencia de hábitos de traballo, escaseza de motivación, atraso no proceso de maduración persoal, pobre integración social, aprendizaxe deficiente nas áreas instrumentais e que por diversos motivos non pode recibir o apoio e reforzo que precisa no seo da súa familia.
O Concello, en reforzo ao sistema educativo institucional, debe de ser capaz de dar cobertura a este tipo de problemas ofertando a posibilidade de poñer á disposición das familias, onde residen nenos e nenas con especiais dificultades educativas, educadores/as que permitan reforzar as competencias básicas os hábitos de organización e constancia no traballo, alentar ao estudo e propoñer formas de traballo eficaces.
Os servizos sociais do concello en coordinación coas direccións dos centros educativos deberían preparar a selección don nenos e nenas que precisen deste servizo que se trataría de ter activado para comenzos do segundo trimestre do presente curso.

Entendemos que a esta proposta poderían acollerse ao recén aprobado Real Decreto-lei 13/2009, de 26 de outubro, polo que se crea o “Fondo Estatal para el Empleo y la Sostenibilidad Local”que no artigo 2.2 determina que […] podrán financiarse gastos corrientes vinculados a programas de actuación en el ámbito educativo y otros de carácter social de competencia municipal […]

Propoñemos ao Concello en Pleno que tome en consideración a seguinte proposta:

1.- Que se tome o acordo de poñer en marcha para o inicio do segundo trimestre do presente curso 2009-10 un programa de Reforzo Educativo dirixido a alumnos e alumnas dos últimos cursos de Educación Primaria e Primeiro Ciclo de Secundaria con especiais dificultades.

2.- Que se dote unha partida no orzamento do ano 2010 dedicada a tal fin.
3.- Que sexan os servizos técnicos do Concello os que fagan a proposta concreta para dar corpo legal a esta iniciativa e solicitar á Comunidade Educativa a información necesaria para desenvolver o Programa.
Brión 28 de novembro de 2009

Carme Robledo Muiña

Xesús Pena Espiña

Concentración contra a violencia de xénero

2009-11-25T03:58:00.000-08:00

Este mércores, ás 20.30 horas, na praza do Toural terá lugar unha concentración polo día munidal contra a violencia de xénero.

PROPOSTA DE MELLORA DAS PISTAS DE CEMENTO DO COLEXIO DE PEDROUZOS

2009-11-06T07:40:00.001-08:00

O noso grupo ten recibido queixas procedentes da comunidade escolar do colexio de Pedrouzos. As queixas e preocupacións están relacionadas co estado no que se atopan as pistas de cemento do patio.
Estas pistas, segundo a comunidade educativa, presentan basicamente dous problemas:

a). As gradas do seu contorno carecen das debidas proteccións o que as converte en altamente perigosas.

b). O chan das propias pistas é de cemento pero atópase altamente deteriorado e é moi abrasivo polo que se producen frecuentes mancaduras no alumnado, ademais de constantes deterioros na roupa e no calzado.

Esta é unha deficiencia que xa vén de vello, e que, polo visto, a Consellería de Educación non está disposta a arranxar, polo que é necesario que o Concello aborde unha solución, cando menos, provisional. Esta solución, polo que nos teñen comentados os técnicos, podería ser unha imprimación superficial por riba do cemento o que faría que as pistas foran moito menos abrasivas e máis seguras.

Entendemos que estas melloras nos patios do Colexio de Pedrouzos poderían acollerse ao recén aprobado Real Decreto-lei 13/2009, de 26 de outubro, polo que se crea o “Fondo Estatal para el Empleo y la Sostenibilidad Local” polo que o Concello de Brión vai recibir un total de 767.995 euros. Este Real Decreto define no artigo 9 que tipos de obras son financiables e, entre outras, cita no apartado j) “La construción, adecuación, rehabilitación o mejora de centros educativos”.

Por todo o exposto, o grupo municipal do BNG propón ao Concello en pleno a toma en consideración do seguinte acordo:

1. Colocar proteccións nas gradas que bordean os patios do colexio de Pedrouzos.
2. Aplicar ás pistas de cemento algún tipo de tratamento para reducir o alto grao de abrasividade,
3. Estudar a posibilidade de incluír estas obras no novo Fondo Estatal para o Emprego e a Sostibilidade Local.

Brión 4 de novembro de 2009

Carme Robledo Muíña

Xesús Pena Espiña

O BNG de Brión reclama ao concello a creación dun carril-bici

2009-11-05T10:20:00.000-08:00

O bng de Brión vén de presentar unha proposta no concello sobre a creación dun carril –bici, aproveitando as dúas vías perimetrais urbanas que se están a executar. Estas novas vías van conexionar Soigrexa Os Anxeles) e o corredor de Santiago a Noia e a outra que arranca na rotonda de incorporación á autovía e morre por riba de Aguiar na actual estrada de Negreira.
En paralelo a estas dúas novas vías se podía construír un carril-bici , nalgún outro tramo podería aproveitar vías de servizo e os pasos elevados da actual autovía e noutros tramos recuperar vellos camiños ou pistas en desuso. Deste xeito poderiamos contar cun carril-bici de deseño case circular que podería enlazar Perros ou mesmo Bastavales cos Ánxeles e Pedrouzos.
O bng bota man do manual «En bicicleta, cara a cidades sen malos fumes», publicado pola UE para promover o uso urbano da bicicleta afirma que: «fundamentalmente, é a falta das condicións necesarias o que impide moverse en bicicleta”.O grupo do bng expón unha ampla relación de bondades que supón a utilización deste vehículo, facendo fincapé na sostibilidade e na saúde. Polo demais, algunha parte deste obra, contemplada en fases, poderíase financiar, no momento presente, axustándose ao recén aprobado Real Decreto-lei13/2009, de 26 de outubro, polo que se crea o ”Fondo Estatal para el Empleo y la Sostenibilidad Local.” No que se contempla como unha das prioridades as obras “dirixidas a promover a mobilidade sostible urbana e reforzar os modos de transporte menos contaminantes...”
Ademais o bng afirma que sería un equipamento, único e pioneiro na comarca, e de gran utilidade para o deporte, o ocio e a saúde dos/as veciños e veciñas de Brión

MOCIÓN A FAVOR DOS HORTOS URBANOS

2009-10-27T12:11:00.000-07:00

O Concello de Brión xa non é o que era, hoxe o rural e o urbano mestúranse sen ningún pudor e son capaces de convivir. Agora ben esta convivencia ten moito de ficticia xa que rural e urbano camiñan de xeito paralelo e non ao unísono, en certa medida son dous mundos totalmente diferenciados e incluso perfectamente localizados, a zona máis alta é a estritamente rural e a zona baixa, concentrada nos Anxeles e en Brión son as urbanas. Cremos que o rural e o urbano non deben estar separado por liñas nos planos, nin estradas, nin valados, e sinceramente cremos que este non é en sentido estricto o problema de Brión, pero si cremos que o forte crecemento sobre todo no que a edificabilidade se refire, transformou Brión, e deixou moitas zonas verdes públicas moi díficiles de soster se só pensamos no concepto cidade xardín ou urbs in horto, pero cunha gran potencialidade que outras cidades do mundo e do estado souberon e saben aproveitar. Estámonos a referir a un concepto máis amplo que son os hortos nas cidades, ou hortos urbanos que nos permiten ademais de conservar os espazos verdes promover valores de solidariedade, cooperativismo e respecto ao medio ambiente.

E botando unha ollada polo noso concello demos coa área de reparto 7-8, na zona X-12, que linda coa saída da autovía (ou deberiamos dicir corredor?) a Noia e coa “tremenda” edificación de Urban. Estamos a falar dunha superficie de 14323 m. cadrados, que poderían ser aproveitados polas veciñas e veciños de Brión para cultivar hortos ecolóxicos.

Ademais, despois de pescudar información sobre esta nova maneira de entender o paisaxismo, vimos que pode ser un proxecto aínda moitísimo máis integrador se se traballa nas hortas con persoas con discapacidade, da terceira idade e sobre todo cos centros escolares que ademais están concentrados na zona, fomentando todos eses valores xa mencionados e outros que se poden condensar na aseveración de “un outro mundo é posíbel”.

Feita a motivación, solicitamos ao concello en pleno que teña a ben estudar esta proposta para que os hortos urbanos sexan unha realidade no futuro no noso concello e os brioneses e as brionesas que non teñen onde ter os seus propios cultivos poidan gozar desta oportunidade que os poderes públicos temos a obriga de lles facilitar.

Brión 18 de outubro de 2009

Carme Robledo Muíña

Xesús Pena Espiña

PARA @S VECIÑOS/AS DE AS HORTENSIAS

2009-10-24T09:12:00.000-07:00

O grupo municipal do BNG de Brión ven de presentar no Pleno do mes de outubro o seguinte rogo que o Sr. Alcalde se comprometeu a estudar e solucionar:
“Os accesos dende a urbanización das Hortensias nos Ánxeles cara á estrada dos Ánxeles a Pedrouzos (AC 451) pola beira do río Pego é sumamente dificultoso. O acceso dende a urbanizacion cara á estrada cando se intenta torcer á esquerda carece de visibilidade, de maneira que é preciso invadir case totalmente o carril de baixada, mesmo que se vire á dereita, cara á rotonda da autovía, a visibilidade é escasa e as saídas sempre perigosas.

A solución ao problema sería a colocación, xusto na fronte da saída un espello cóncavo que permita a visibidade á esquerda e á dereita. Polo que lle rogamos que o Goberno Municipal tome as medidas oportunas.

Carme Robledo Muíña e Xesús Pena Espiña
Grupo Municipal do BNG

PROPOSTA SOBRE MEDIDAS CORRECTORAS A APLICAR Á EMPRESA ECOWARM DE GALICIA-RESIFOR

2009-10-20T08:45:00.000-07:00

Ecowarm de Galicia é unha empresa dedicada á densificación de biomasa e subprodutos da industria de 1ª transformación da madeira, para a elaboración de combustibles ecolóxicos destinados tanto a uso doméstico como industrial. Posúe unha planta industrial en San Xulián de Bastavales no lugar de Coruxido, xa no límite co veciño concello de Rois

Comeza a súa actividade no ano 2006 se ben a instalación industrial xa existía con anterioridade pero é neste ano cando instala un novo silo e se dedica á nova actividade sen licenza de ningún tipo, segundo denuncian veciños afectados. Aínda que a obra foi paralizada logo foi legalizada e continuou coa súa actividade. Non está localizada en chan industrial, senón na proximidades da aldea de Coruxido, rodeada de casas.

Pola súa banda RESIFOR, segundo consta en publicacións do IDAE (Instituto para la Diversificación y Ahorro de Energía) do Ministerio de Industria, foi instalada no ano 1986 no mesmo lugar da anterior e parece que a sociedade segue activa xa que cando menos aparece como empresa autoriza instaladora no momento presente polo INEGA (Instituto Enerxético de Galicia). Adícase, tamén segundo o IDEA, á fabricación e comercialización de pelets de madeira.

Parece ser que tamén no momento presente ECOWARM – RESIFOR se dedican á produción de electricidade por conxeneración

Recentemente veciños e veciñas da zona de Coruxido veñen de recoller sinaturas para protestar polas molestias que, dende o ano 2006 vén ocasionando esta instalación. Afirman, os veciños, que é despois do 2006, cando a sociedade amplía a actividade, cando as molestias son maiores, fundamentalmente ruídos, e denuncian, tamén que ao longo deste ano 2009 os ruídos son moito máis elevados, producíndose dende as primeiras horas da mañá até altas horas da noite.

Por todas estas circunstancia é polo que o grupo do BNG propón ao Pleno a toma en consideración da seguinte PROPOSTA:

1. Que o Goberno Municipal comprobe se as sociedades ECOWARM –RESIFOR están desempeñando as actividades industriais para as que foron autorizadas.

2. Que o Goberno Municipal comprobe se os horarios de actividade se corresponden cos autorizados.

3. Se a emisión de ruídos e outros elementos contaminantes están dentro dos parámetros das actividade nocivas e perigosas para as que teñen autorización.

4. No caso negativo, que o Goberno Municipal tome as medidas oportunas de apercibimento de corrección dos incumprimentos ou clausura das instalacións.

Brión 15 de outubro de 2009

Carme Robledo Muíña

Xesús Pena Espiña

2009-10-06T07:17:00.000-07:00

A plataforma cidadá QUEREMOS GALEGO convoca unha gran manifestación en favor da lingua para o vindeiro domingo 18 de outubro en Santiago de Compostela

PROPOSTA PARA A INSTALACIÓN DE PANTALLAS ANTIRRUíDO NA AUTOVIA POLA BANDA DE ADOUFE.

2009-09-11T02:06:00.000-07:00

Os problemas do ruído proveniente do tráfico é cada vez máis grave nas zonas urbanas e periurbanas, polo que é necesario o establecemento de medidas correctoras. As pantallas antirruído constitúen, na maioría dos casos, a solución óptima para a redución do ruído percibido pola poboación. A súa eficacia está condicionada polo fenómeno da difracción.
No noso concello este problema vén ocorrendo no tramo da autovía Santiago-Brión no seu paso polo viaduto de Lamiño. Neste tramo o vial dispón de pantallas atirruído cara ao lado das vivendas de Lamiño e o Paseo de Pedrouzos pero non dispón de pantallas que protrexan o núcleo de Adoufe. Veciños residente nesta zona teñen manifestado que o ruído do paso dos coches pola autovía é moi intenso, especialmente molesto nos días de choiva.
Co ánimo de aminorar os danos e as molestias que causa a autovía aos/ás veciños e veciñas de Adoufe propoñemos ao Concello e Pleno que tome en consideración a seguinte proposta:

1.- Que o Concello en Pleno tome o acordo de dirixirse á Dirección Xeral de Obras Públicas da Xunta de Galicia para solicitarlle a instalación de pantallas atirruído no tramo da autovía Santiago-Brión no tramo do viaduto de Lamiño no lado colindante ao núcleo de poboacion de Adoufe.

Brión 7 de setembro de 2009

Carme Robledo Muíña
Xesús Pena Espiña

Pleno de Brión aproba a proposta do BNG de pedirlle á Xunta que manteña a gratuidade dos libros

2009-07-13T03:33:00.000-07:00

O grupo nacionalista presentamos unha prospota no pleno para que a corporación instara ao goberno da Xunta a manter a gratuidade dos libros de texto para o curso que ven. Esta medida proposta polos populares vai supor un importante sobrecusto nas economías familiares galegas, xa que o suposto aforro que se anuncia dende a Consellaría de Educación vai ter que ser asumido polas familias.
Unha familia cuns ingresos arredor dos 1000 euros por cada un dos membros, cunha filla ou un fillo non tería ningún tipo de axuda para mercar os libros de texto no vindeiro curso. Así mesmo, o sistema que viña utilizando o goberno anterior no que participou o BNG fomentaba a cooperación e reducía de maneira importante o custo total dos libros. Ainda que o gasto que Educación preveé para o vindeiro curso para estas axudas é de 70 millóns de euros polos 73 do anterior goberno, o custo total dos libros será 3,2 veces supeiror, polo que o sobrecusto terá que ser asumido polas familias galegas. E todo isto, sen ter en conta o importante aumento no consumo de papel que, de maneira innecesaria se desprende desta reforma.
Por todo isto o Pleno tomou o acordo de instar á Xunta para que manteña a gratuidade dos libros de texto. O grupo do Partido Popular votou en contra da proposta que dende o grupo nacionalista presentamos, non sabemos moi ben se por disciplina de voto e lealdade, ou, se cadra, por que entenden que a educación (ao igual que a sanidade ou os servizos sociais) non deberá ser pública e gratuita, con todas as garantias que iso supón para a cidadanía.
En calquera caso, os populares de Brión van lle ter que explicar a moitas familias brionesas por que, desta volta non van poder acceder aos libros de texto de maneira gratuita.

MOCIÓN SOBRE O SECTOR LÁCTEO

2009-06-18T12:39:00.000-07:00

O sector agrario galego segue a ser un eixe de vital importancia na economía galega. Unha das características senlleiras é a súa marcada especialización gandeira, xa que as producións gandeiras achegan o 62 % do valor da produción da rama agraria, e dentro delas, sen lugar a dúbidas, é a produción láctea a que ten un maior peso, ao representar arredor dun 28% do conxunto da produción agraria galega.
Así mesmo, tamén é moi relevante a súa contribución fundamental desde o ponto de vista territorial, onde destaca a superficie de prados naturais, de pasteiros e de monte onde se practica o pastoreo, que constitúen o eixe da paisaxe agraria da maior parte do territorio.
A actividade económica dunha parte importante do territorio galego pivota arredor da produción agraria e, o sector agrario e as actividades económicas vinculadas a el son a principal fonte de emprego.
A evolución da produción láctea en Galiza ao longo das campañas que van desde 2005 a 2008, demostra a vocación de permanencia das explotacións lácteas galegas, pasando a significar o leite das explotacións galegas o 38 % das entregas á industria do Estado español, fronte ao 35 % que significaba a comezos de 2006. As explotacións lácteas galegas son, neste intre e sen dúbida algunha, o principal referente da produción láctea no Estado Español, non só polo seu peso, senón tamén pola dinámica de crecemento da produción en Galiza nun contexto como o que caracteriza ao sector no resto do Estado de estancamento ou redución das entregas de leite.
Malia a favorábel tendencia amosada nestes últimos tres anos no sector lácteo galego, a recente modificación da regulación comunitaria do sector lácteo, co horizonte da liberalización da produción de leite en 2015 precedido dun incremento lineal de cota a todos os Estados produtores da Unión Europea, incluídos os excedentarios, vén de sementar incerteza no sector, así como un drástico recorte de prezos percibidos polos gandeiros e gandeiras, pondo ao límite a supervivencia das moitas explotacións leiteiras de moitos concellos galegos.
Tamén no noso Concello, como todos sabemos, o peso do sector leiteiro segue a ter unha vital importancia, fundamentalmente nas parroquias de Viceso. A Luaña, Cornanda e Ons onde aínda sobreviven sobre 65 explotacións leiteiras cunha cota de mais de 11.500 toneladas ao ano.
Perante esta situación, cómpre unha posición institucional inequívoca de apoio ao sector, urxindo que as Administracións competentes adopten as medidas necesarias para garantir a estabilidade e o futuro do sector lácteo galego, e con iso asegurar un medio rural vivo na Galiza.

Por isto solicitamos do Pleno da Corporación a adopción do seguinte acordo:

1. Instar ao Goberno Español a renegociar a actual asignación de cotas entre os distintos Estados membros da UE, de xeito que o aumento da cota se dirixa unicamente a aqueles Estados que teñen unha cota moi inferior ao seu consumo interno e nos que existen segmentos importantes de explotacións, como é o caso de Galiza, que necesitan máis cota para ser viábeis.

2. Instar ao Goberno Español a propoñer na UE unha actuación decidida e concreta, para regular os mercados e garantir prezos aos produtores de leite, de xeito que se garanta a viabilidade do sector, do mesmo xeito que se actúa con outros sectores económicos.

3. Instar ao Goberno do Estado e á Xunta de Galiza a coordinar as actuacións necesarias para:
a) Garantir a recollida de todo o leite producido na Galiza.
b) Establecer axudas directas aos produtores de leite, para compensar o baixo prezo do leite en orixe -actualmente por debaixo do prezo de custo- en tanto non se recuperen os prezos de mercado.
c) Garantir a continuidade da industria transformadora existente na Galiza, e en concreto, da planta de Pascual na provincia de Lugo.

4. Comunicar este Acordo Plenario ao presidente do Goberno do Estado, ao Presidente da Xunta de Galiza, aos Grupos Parlamentarios do PP, do PSOE e do BNG, no Parlamento Galego e no Congreso dos Deputados.

Brion 2 de xuño de 2009

Carme Robledo

Xesús Pena Espiña

s.o.s pola vivenda protexida

2009-06-09T15:24:00.001-07:00

A intención da Xunta do PP de cambiar “integramente” a política de vivenda elaborada pola anterior conselleira do BNG Teresa Táboas some na incerteza os 29.523 galegos que a día de hoxe están inscritos nos Rexistro Único de Demandantes de Vivenda Protexida.

Hai un ano o número de demandantes de vivenda protexida en Brión era xa de 100 persoas e é moi previsible que no momento presente esa demanda se achegue aos 250.

O Plan Sectorial de Solo Residencial dotaba a Brión cunha actuación concreta no lugar de Pedrouzos, no prédio “Villa Amalia”, un espazo conectado coa AC-451 que dá acceso á vía rápida Santiago-Noia. Delimitouse unha superficie de 55.527 metros cadrados nos que está prevista a construción de 187 vivendas protexidas e outras 47 vivendas de prezo limitado.

O obxectivo fundamental é xerar un novo tecido urbano ao oeste do núcleo definido e crear unha ampla zona verde, de 24.000 metros cadrados, 4.000 metros para zona de equipamentos e 147 prazas de aparcadoiros. Esta actuación supón un investimento de 4,9 millóns de euros que o novo Goberno do PP na Xunta quere deixar en nada

Polo exposto anteriormente, o BNG de Brión propón que o Concello en Pleno tome en consideración a seguinte proposta:

1. Que o Concello se dirixa á Consellería de Medio Ambiente Territorio e Infraestruturas, da que depende o Instituto Galego de Vivenda e Solo para reclamarlle que manteña vixente o Plan Sectorial de Solo Residencial elaborado polo anterior goberno bipartito da Xunta e que, igualmente, se manteña aberto o Rexistro Único de Demandantes de Vivenda Protexida.

2. Comunicar á Cosellería de Medio Ambiente Territorio e Infraestruturas, que Brión necesita eses cupos de vivenda protexida que o Plan lle asigna.
Brión de xuño de 2009

Carme Robledo Muiña Xesús Pena Espiña

Grupo Municipal do BNG de Brión

DÍA DAS LETRAS GALEGAS

2009-05-17T11:59:00.001-07:00

Máis de 50.000 persoas acudiron á chamada da Mesa pola Normalización Lingüística e manifestáronse este mediodía pola capital galega con lemas coma "Na Galiza en Galego" ou "Queremos vivir en Galego

PROPOSTA PARA A RESOLUCIÓN DA PROBLEMÁTICA DA URBANIZACIÓN DA SENRA.

2009-05-14T12:28:00.002-07:00

Nestes últimos tempos, temos visto na urbanización A Senra, en Brión, varias pancartas que informaban da situación de desamparo legal que viven estes veciños e veciñas por mor das deficiencias tanto no enganche do servizo de auga como da luz, solucionándose o primeiro e dando lugar o segundo á situación da cal nos vén informando a prensa estes días. Despois de que o noso grupo se puxese en contacto cos representantes da Xunta da Comunidade de Veciños, tivemos o coñecemento da situación desesperante e caótica na que están a vivir, obrigándoos incluso ao abandono das súas vivendas. Así tamén soubemos de primeira man que esta situación leva dous anos sen resolverse. O noso grupo entende, que á marxe de que este sexa un conflito de carácter privado, entre o construtor Juan Sampedro e outras subcontratas, e mesmo que os veciños e veciñas ocupasen as casas sen a debida licenza de primeira ocupación, entendemos que os poderes públicos, e en concreto o concello, non poden deixar de obviar este problema en canto afecta a veciños de Brión que se atopan no medio desta confrontación e son os que pagan as consecuencias.
Polo tanto o noso grupo propón:
1. Que o alcalde convoque ás partes en conflito: promotor, subcontratas e veciños/as para ver a posible solución do problema.
2. Que inste a Fenosa que lles restaure o subministro eléctrico para que poidan retornar ás súas casas.
3. Que os servizos técnicos municipais traballen con Unión Fenosa e Industria nunha alternativa razoable en caso de non chegaren as partes a un acordo.

PROPOSTA SOBRE O APROVEITAMENTO DE MOBLES USADOS

2009-05-14T12:28:00.001-07:00

Aínda que o noso concello non se adheriu aos acordos adoptados no 1995 en Aalborg, que deu lugar á Axenda 21 local, cremos que é moi importante tomala como modelo de diagnose e formulación de políticas municipais de sostibilidade. Reducir a produción de residuos e fomentar a cultura de reutilización e a reciclaxe é un dos principios da carta de Aalborg. Se a isto engadimos a entrada nun período de crise a nivel mundial, cómpre que recapacitemos sobre os nosos hábitos de consumo, e que dalgún xeito llo transmitamos á cidadanía e lle deamos mecanismos necesarios para modificar eses hábitos. Por iso o noso grupo propón que se habilite un espazo, unha vez ao mes ou cada dous meses, para que os veciños/as depositen os mobles que consideren inútiles (non estragados) para que outros veciños/as poidan ir recollelos e facer uso deles. Non se trataría de que estivesen expostos moito tempo, só unhas catro ou cinco horas, para que os camións do lixo puidesen recollelos pola noite coa fin de manter limpo o espazo que se habilitase para tal fin.
O noso grupo solicita ao concello en pleno que aprobe esta proposta e que poña en marcha os mecanismos necesarios para a súa consecución.

O GRUPO MUNICIPAL DO BNG APOIA AS XUSTAS REIVINDICACIÓNS DA COMUNIDADE EDCATIVA DO COLEXIO DE PEDROUZOS

2009-05-07T05:11:00.000-07:00

A Asociación de Nais e Pais Andaravía, de Brión, mantén o seu calendario de actividades de protesta en demanda dun cambio de horario do colexio de Pedrouzos, que abre ás 10.15 horas, unha apertura que o colectivo de nais e pais considera que non favorece a conciliación familiar.
Como primeira medida elaboraron unha pancarta xigante cos horarios dos colexios máis próximos para reclamar un trato similar a estes centros. Ademais, esta Anpa ten previsto organizar un peche a partir de mañá ás sete da tarde e mantelo ata o sábado pola mañá. O colectivo está pendente de obter unha resposta da Consellería de Educación para pechar o horario de funcionamento do centro para o próximo curso, que arrinca
Publicado el La Voz 7 de maio 2009

O GRUPO MUNICIPAL DO BNG APOIA AS XUSTAS REIVINDICACIÓNS DA COMUNIDADE EDCATIVA DO COLEXIO DE PEDROUZOS

VICESO: QUE SE CUMPRA A LEI. QUE A IGREXA RETIRE A PLACA EN HOMENAXE AOS CAIDOS "POR DIOS Y POR LA PATRIA"

2009-05-03T15:34:00.000-07:00

En relación ao malestar expresado por un grupo de veciños de Viceso, familiares directos de caídos na Guerra Civil polo bando franquista e cuia relación figura nunha placa exposta no exterior da Igrexa de Viceso, o grupo municipal do BNG, que foi quen levou a proposta ao Pleno do Concello, quere manifestar o que sigue:

1- O noso máximo respeto para as persoas que deixarón as suas vidas na Guerra Civil. Non entramos en consideacións persoais nin as causas polas que o conflito colleu a uns veciños nun bando e e a outros no outro, tampouco pretendemos ferir a sensibiliade dos parentes dos falecidos. Esto mesmo xa o expresamos no Pleno.
2- O noso grupo unicamente quere que se cumpra coa lei 52/2007 aprobado no Parlamento español que no artigo 15 di textualmente o que sigue:
“ Las Administraciones públicas, en el ejercicio de sus competencias, tomarán las medidas oportunas para la retirada de escudos, insignias, placas y otros objetos o menciones conmemorativas de exaltación, personal o colectiva, de la sublevación militar, de la Guerra Civil y de la represión de la Dictadura. Entre estas medidas podrá incluirse la retirada de subvenciones o ayudas públicas.”
Na nosa opinión é evidente que a devandita placa é un elemento de •”exaltación, personal o colectiva, de la sublevación militar, de la Guerra Civil” xa que se atopa nun lugar de uso público e encabezase o listado coa frase de “CAIDOS POR DIOS Y POR LA PATRIA” no é, logo, unha mención de estricto recordo privado sin exaltación dos enfrentados, polo demais non ten nigun valor nin artístico nin arquitectónico.
2- O nos grupo non tería ningun problema en que no lugar da placa da Igrexa de Viceso se colocara outra, en Viceso ou en calquera outro lugar público, onde aparecerán unha relación de tódolos caidos e represaliados de Brión durante Guera Civil con unha mención expresa o que a propia lei indica no seu preámbulo: “los ciudadanos tienen derecho a que los símbolos públicos sean ocasión de encuentro y no de enfrentamiento, ofensa o agravio”. Esto sería a millor manifestación de respecto e homenaxe ás víctimas da Guerra.
Brión 28 de abril 2009
Xesús Pena Espiña
Concelleiro-portavoz do BNG de Brión

PROPOSTA EN DEFENSA DA LINGUA GALEGA

2009-04-15T03:25:00.000-07:00

Coa proximidade da celebración do Día das Letras Galegas 09 e en vista de que o seguinte pleno ordinario non se celebrará ata o mes de xuño, cremos necesario presentar unha moción na que aparezan claramente postulados os nosos principios a prol da defensa da lingua en todos os ámbitos, así como a demanda ao concello en pleno para que aprobe esta moción, que pasamos a expoñer:
Coa aprobación por unanimidade no Pleno da Cámara na sesión do día 21 de setembro de 2004, do Plan xeral de normalización da lingua galega, parecían superadas as discusións sobre o futuro da lingua. Este Plan chegou vinte e un anos despois da aprobación, tamén por unanimidade, da Lei de Normalización Lingüística. Unha Lei na que traballaron arreo personalidades do mundo das letras e cultura galegas como Ramón Piñeiro, a quen este ano se lle dedica precisamente o Día das letras galegas.
Estas son algunhas das palabras do prólogo do Plan xeral do por aquel entón Presidente da Xunta D. Manuel Fraga:
“O galego, lingua propia de Galicia, como establecen a Constitución e mailo Estatuto, non pode ser utilizado como un instrumento político nin como arma partidaria. A nosa fala constitúe o cerne central da nosa identidade, o alento e a alma do pobo galego, e como tal, debemos traballar todos moi unidos e na mesma dirección. A defensa do galego é algo moi serio e debe levarse a cabo sen falsidades nin demagoxias baratas.” Tamén o daquela Conselleiro de Educación D. Celso Currás, dicía estas palabras: “Non seriamos obxectivos, no entanto, se non admitísemos a existencia de problemas que afectan á saúde da lingua.”
Tanto as palabras dun como do outro parecen contradicir o novo rumbo que, segundo as manifestacións aparecidas nos medios de comunicación, vai tomar o novo goberno da Xunta con respecto á política lingüística. E é certamente un retroceso, sen precedentes, e un erro volver ás políticas de confrontación lingüística, tomando como asesores a xentes que carecen dos máis mínimos coñecementos filolóxicos e sociolingüísticos, que precisamente se caracterizan por faceren “uso da demagoxia barata, da falsidade, e de utilizar a lingua como instrumento político e como arma partidaria”. Cando o galego entrou no sistema educativo, Ramón Piñeiro dixo: “O galego está salvado” hoxe o panorama non parece ser moi alentador coa ameaza da eliminación do decreto que regula o galego no ensino. O noso grupo pensa que o concello en pleno é sensíbel ante

os prexuízos que hai sobre a nosa lingua, froito en moitas ocasións do descoñecemento e da marxinación histórica na que se moveu. Cómpre que os brioneses e brionesas sintan o apoio da institución máis achegada a eles, que é o concello, á lingua na que viviron e amaron os seus devanceiros e queren que vivan e amen os seus descendentes.
Por todo isto pedimos que o Concello en pleno se postule a favor do cumprimento da lexislación vixente sobre o uso do galego e en contra de políticas que contribúan á súa marxinalización, como son a posible derogación do Decreto que regula o galego no ensino.

Brión 14 de abril de 2009

PROPOSTA DE APLICACIÓN DA LEI DA MEMORIA

2009-04-13T11:15:00.001-07:00

No día de hoxe, 1 de abril, cúmprense setenta anos do remate da chamada Guerra Civil española, cúmprense setenta anos desde cando un réxime totalitario e xenocida se impoñía pola forza das armas contra a lexitimade da II República.
Pasaron setenta anos pero aínda moitas realidades permanecen ocultas, moitas feridas sangrando e moitos símbolos recordando e exaltando a traxedia.
Co ánimo de corrixir esta situación despois de trinta anos de democracia, xorde a Lei 52/2007, de 26 de decembro, pola que se recoñecen e amplían dereitos e establécense medidas en favor de quen padeceron persecución ou violencia durante a guerra civil e a ditadura , a coñecida popularmente Lei da Memoria.
Esta Lei da Memoria manifesta na súa exposición de motivos, entre outras cousas, o que sigue:
”[....... ] esta Lei atende ao manifestado pola Comisión Constitucional do Congreso dos Deputados que o 20 de novembro de 2002 aprobou por unanimidade unha Proposición non de Lei na que o órgano de representación da cidadanía reiteraba que ninguén pode sentirse lexitimado, como ocorreu no pasado, para utilizar a violencia coa finalidade de impor as súas conviccións políticas e establecer réximes totalitarios contrarios á liberdade e dignidade de todos os cidadáns, o que merece a condena e repulsa da nosa sociedade democrática. A presente Lei asume esta Declaración así como a condena do franquismo contida no Informe da Asemblea Parlamentaria do Consello de Europa asinado en París o 17 de marzo de 2006 no que se denunciaron as graves violacións de Dereitos Humanos cometidas en España entre os anos 1939 e 1975. “

No artigo 15 da Lei recórdaselles ás Administracións Públicas o que segue:
”1. As Administracións públicas, no exercicio das súas competencias, tomarán as medidas oportunas para a retirada de escudos, insignias, placas e outros obxectos ou mencións conmemorativas de exaltación, persoal ou colectiva, da sublevación militar, da Guerra Civil e da represión da Ditadura. Entre estas medidas poderá incluírse a retirada de subvencións ou axudas públicas “
No noso Concello aínda permanece algún símbolo conmemorativo da sublevación fascista. En concreto o noso grupo ten constatado que na Igrexa de Viceso permanece nun dos laterais unha placa de mármore conmemorativa cunha listaxe dos caídos do bando “nacional” ( ver foto adxunta)
Polo exposto, o grupo do BNG insta o Concello en Pleno para que tome en consideración a seguinte proposta:

1.- O Concello de Brión toma o acordo de dirixirse ás autoridades eclesiásticas para que en aplicación da Lei 52/2007 procedan de inmediato a retirar as placas conmemorativas que poidan existir tanto no exterior coma no interior das igrexas do Concello de Brión.
2.- Se nun prazo razoable, as autoridades eclesiásticas no procederan a retirar os símbolos conmemorativos dos vencedores da contenda civil española contra a legalidade republicana, o Concello procederá, exercendo as competencias que a lei lle outorga, á retirada da citada simboloxía.

Brión 1 de abril de 2009

Carme Robledo Muíña Xesús Pena Espiña

O TSXG volve darlle a razón ao veciños e ás veciñas de Brión

2009-03-18T05:59:00.000-07:00

O Tribunal Superior de Xustiza de Galiza deulles de novo a razón ao colectivo veciñal "Torres de Altamira" ao anular sen paliativos o Plan Parcial que prevía a reserva de solo industrial no monte de Perros.
Ao igual que o pronunzamento anterior que anulaba o Plan Xeral de Ordenación Municipal no referente explicito ao desenvolvemento da superficie industrial, o TSXG dalle a razón en todos os puntos ao colectivo veciñal, anulando este plan.
Así, neste senso o TSXG entende que a calificación do solo debera ser a de rústico de especial protección. Do mesmo xeito, a sentenza sinala que non se presentou unha razón que xustifique o emprazamento dun parque empresarial na zona, máis aló da dificultade para a súa explotación forestal.
Así pois, o BNG de Brión dálle a noraboa aos veciños e veciñas que loitaron e demostaron que a cidadanía precisa e quere ter voz nas decisións públicas, que nos afectan a todos.

Acto Público do BNG no Hotel Balneario Compostela

2009-02-25T03:31:00.000-08:00

Pracenos enormemente convidarvos a todos e a todas ao Acto Público do BNG o vindeiro xoves, 26 de febreiro no Hotel Balneario Compostela do Tremo ás 20.15 horas e no que intervirán:
Pilar Candocia, membro da executiva comarcal do BNG e
Carlos Aymerich, candidato ao Parlamento de Galiza.
Agardamoste!

PROPOSTA PARA SUBSANAR DEFICIENCIAS NO CEIP DE BRIÓN

2009-02-13T15:01:00.000-08:00

O CEIP de Brión é un colexio público que conta cun importante número de alumnos/as (350) e que ten unha antigüidade de trinta e catro anos (foi construído no ano 1975). Ambos os dous factores axudan a que o deterioro do colexio sexa importante e ben visíbel. Trinta e tres anos son moitos para un vello edificio que contemplou a varias xeracións pasar polas súas aulas e xogar no seu desgastado patio. Pero nunha época en que o culto á beleza e á xuventude son a máxima a seguir, o noso vello, resignado e estupefacto asiste á súa paulatina dexeneración e remóvese, en forma de gretas e fochancas, cando ve e escoita que o único que lles parece interesar aos políticos do lugar son as súas propias guerras e que estes, cegos, son incapaces de ver a vida que bole dentro das súas paredes, o esforzo dos profesores/as, dos pais e nais para que os futuros cidadáns/ás brioneses camiñen pola vida ben formados e orgullosos de si. Estes 350 alumnos/as reclaman educarse nun lugar seguro, cun tellado seguro (sen tellas soltas), cunhas fiestras que fechen ben e que illen do frío exterior, polo tanto sostíbeis (xa que tanto se nos enche a boca coa palabra sostibilidade), e cun patio sen fochancas, seguro, un lugar para xogaren e coñecérense, non un patio perigoso, cheo de auga e cunhas barreiras arquitectónicas que dá medo velas (e séguesenos enchendo a boca cando falamos de accesibilidade). Hai algo máis importante que a educación? Queremos calidade? Queremos que os nosos nenos/as estuden nun centro educativo do século XXI? Queremos que o noso vello colexio esmoreza escunchado, agretado…ado…ado? Para cando o cumprimento das promesas?

Logo desta exposición, certamente moi literaria, xa que non sabemos como dicilo, só nos queda cantalo, dirixímonos a este concello en pleno para que tome en consideración as seguintes demandas:

1. Que se arranxen as tellas soltas.
2. Que se arranxe o patio, cremos que hai que facelo de novo, en vista do seu estado actual.
3. Que se poña dobre fiestra no piso superior, para un illamento axeitado.
4. Que se pinten ou recubran os muros interiores que dan á entrada principal.
5. E que se faga todo con celeridade e non se vaia deixando, coa EDUCACIÓN NON SE XOGA.
Brión 11 febreiro 2009

Xesús Pena Espiña Carme Robledo Muiña
Concelleiro-portavoz Concelleira

PROPOSTA SOBRE O ACONDICIONAMENTO DO PAVILLÓN DE DEPORTES

2009-02-04T10:51:00.001-08:00

O grupo do BNG xa ten denunciado ante este pleno deficiencias que se están a padecer nas instalacións deportivas e recreativas no noso concello, moitas delas semellan formar parte dunha desidia difícil de explicar tendo en conta os medios, tanto humanos coma materiais, cos que conta o concello. O que hoxe nos ocupa é o estado da cuberta do pavillón de deportes de Pedrouzos que traduce nas numerosas pingueiras que se producen, mesmo en días de pouca choiva, e que poñen en risco a integridade física dos que utilizan este servizo, xa que son moitas as caídas provocadas polo pavimento esvaradío.
Conven recordar que esta instalación deportiva é utilizada a diario moita xente , na súa maioría xente moza e infantil polo que debería atoparse nun estado óptimo para o desenvolvemento das actividades deportivas coas mellores garantías de seguridade.

Por estas razóns o noso grupo solicita ao concello en pleno que tome en consideración a seguinte proposta:

1.- Solicitar ao Goberno Municipal le poña fin a esta situación de deterioro do Pavillón de deportes de Pedrouzos provocado polas numerosas goteiras e se arranxa e debidamente o tellado .

Brión a 25 de xaneiro de 2009

Eu tamén son Anxo Quintana!!

2009-01-19T11:37:00.000-08:00

Milleiros de galegos maniféstanse en Santiago contra "a masacre de Gaza"

2009-01-18T12:22:00.000-08:00

O vicepresidente da Xunta de Galiza, Anxo Quintana, acudiu á manifestación na que reclamou "unha resposta clara e contundente para o respecto dos dereitos do pobo palestino".
[GZnación / Redacción / 18 Xan 09]
Máis de 5.000 cidadáns, segundo algunha das organizacións que convocou a mobilización, manifestáronse hoxe polas rúas de Santiago de Compostela contra "a masacre de Gaza". A manifestación, encabezada por unha pancarta co lema "Galiza con Pelestina. Non á masacre", partiu pasada a media mañá do Paseo Central da Alameda e finalizou na praza da Quintana. Centos de bandeiras palestinas e de Galiza ondeaban no acto, ao que acudiu o vicepresidente da Xunta, Anxo Quintana, que reclamou "unha resposta clara e contundente para o respecto dos dereitos do pobo palestino".

Os manifestantes, convocados por medio centenar de partidos, asociacións e movementos sociais, abarrotaron o paseo central da Alameda. "Palestina vencerá", "Galiza con Palestina", "os sionistas son os terroristas", "somos todos Palestina", "solidariedade co pobo palestino" ou "non a guerra", foron algunhas das frases que corearon e gritaron os manifestantes durante todo o traxecto da marcha. As pancartas tamén apoiaban a Palestina e esixían a fin da "matanza". Nelas podían lerse frases como "Palestina vencerá", "Contra a política criminal de Israel" ou "Paremos esta matanza".

Entre os milleiros de manifestantes estaba o vicepresidente da Xunta, Anxo Quintana quen declarou que "o nacionalismo galego ten no seu código xenético o internacionalismo solidario" e indicou que "é o momento da solidariedade, é o momento de reclamar o cese inmediato do xenocidio contra o pobo palestino". Quintana demandou a resposta da comunidade internacional que, ao seu xuízo, "non pode permanecer calada". "É bo que a cidadanía reclame unha resposta clara e contundente para o respecto do dereito do pobo palestino".

Anxo Quintana tamén aproveitou a oportunidade para "intentar por todos os medios que o Goberno de Israel cambie a súa postura e que saiba que enfrontarse co pobo palestino é o mesmo que enfrontarse contra toda a comunidade democrática do mundo". Na súa opinión, "é o momento de estar ao lado dos máis débiles".

Sobre o alto o fogo unilateral de Israel, o vicepresidente da Xunta pediu que esa medida "se converta nunha solución pactada e definitiva para a existencia do pobo palestina no seu territorio".

OS ORZAMENTOS 2009, A DEBATE?

2008-12-27T05:18:00.001-08:00

O día 22 de decembro nun pleno extraordinario aprobáronse os orzamentos para o vindeiro ano, cos votos a favor do PSOE e cos negativos do BNG e do PP.
O noso grupo fixo fincapé na importancia do orzamento como documento vertebrador da situación económica e social do concello, sobre todo en tempos de crise e voltou a criticar a falla de consenso cos grupos da oposición e coa cidadanía, na liña do que se vén chamando orzamentos participativos.
Se nos centramos nas contas, observamos que son uns orzamentos pouco investidores (31% en investimentos reais fronte ao 66,7% en gastos correntes). É excesivo o gasto en persoal, en enerxía eléctrica, combustibles, protocolo, publicidade, propaganda e festexos populares. Fronte a este destipendio, as partidas que poderían reforzar as políticas anticrise ou ben carecen de dotación orzamentaria ou ben levan unha dotación moi cativa:
1.- Solo industrial ( Polígono intermunicipal dos Barreiros): sen partida
2.- Promoción de emprego eficiente e conciliación laboral: escasa
3.- Políticas de igualdade e loita contra a discriminación de xénero: escasas e pouco eficientes
4.- Políticas medio-ambientais: sen partida
5.- Liñas de acción para o aforro e a eficiencia enerxética: sen partida
6.- Políticas de protección e recuperación do patrimonio: sen partida.
7.- Equipamentos públicos para o ocio e o lecer: escasamente dotada
8.- Promoción turística: partida escasa
9.- Máis bolsas de estudos e axudas ao transporte para estudantes: partida escasa
10.- Cooperación INTERNACIONAL: partida irrisoria 0.05%.
Polo tanto o noso voto non podería ser outro có negativo para uns orzamentos que consideramos negativos para o desenvolvemento económico, social e cultural do noso concello.

DEBATE ORZAMENTOS 2009.

2008-12-27T05:17:00.003-08:00

1.- Convén recordar ao inicio do debate:
a. A importancia do orzamento como documento vertebrador da situación económica e social do concello, pauta das liñas prioritarias da acción de goberno e guía estratéxica para o futuro do noso concello.
b. A importancia do orzamento para os tempos de crise, como instrumento básico para reactivar as economías produtivas, fomentar o emprego e dar cobertura a políticas sociais.
c. A importancia de incentivar a participación cidadá na elaboración de contas transparentes no camiño do que que se vén chamando “orzamentos participativos”.
2. O documento orzamentario que se nos presenta para a súa aprobación vén sendo coma os dos últimos anos, unicamente con algo máis de diñeiro e mellorados tecnicamente. Non presenta nin unha soa modificación estrutural que permita intuír que foron elaborados tendo en conta o momento de crise crecente que estamos a sufrir, unha crise cun horizonte incerto e consecuencias, no día a día, impredicibles.
Na opinión do noso grupo, as liñas de acción fronte a crises deben ser abordadas dende os distintos planos das distintas administracións e sen dúbida dende a administración local pódense realizar moitas accións complementarias das políticas xerais anticrese.
O noso grupo entende que nestes momentos é necesario incrementar substancialmente os fondos destinados a partidas en investimentos reais, as partidas destinadas á creación de emprego e promoción económica e as partidas destinadas á prestación de servizos sociais. Todas estas conxuntamente e de xeito traversal derivan directamente en riqueza, confianza e calidade de vida.
Por outra banda é imprescindible restrinxir o máximo posible os gastos correntes e os gastos en persoal non vinculado directamente ás actividades produtivas, é dicir buscar a eficiencia nos servizos que se prestan e nos equipamento que se xestionan e reducir a burocracia.
Pero nada disto se recolle no presente modelo de orzamentos que se nos trae para a súa aprobación.
Vexamos:
2.a.- Son escasamente inversores: 31% en investimentos reais fronte o 66,7% en gastos correntes dos que o 31,3% corresponden a gastos de persoal e o 28,1% a gastos correntes. É maior o gasto en persoal (2.109.254 €) que o que se destina en inversións reais (2.091.862 €)
2.b.- É excesivo o gasto en persoal seguramente derivados dun cadro de persoal, pouco adecuado ás necesidades reais e aos servizos que se deben prestar, e si máis en función dos intereses políticos do grupo gobernante. Neste punto é de destacar o importante incremento que experimentan os gastos para órganos de goberno 17.3% (111)
2.c.-Seguen sendo excesivos os gastos en enerxía eléctrica e combustibles, (183.000 e 83.400 euros respectivamente) seguramente derivados da carencia de eficaces políticas de control, aforro e eficiencia enerxética.
2.d.- Son escasas as partidas dedicadas a ACCIÓN SOCIAL no referente á calidade e eficiencia dos servizos que se prestan, nin tan sequera se alcanza o 7% do total do orzamento que é o umbral mínimo necesario estimado.
2.e.- As partidas para a PROMOCIÓN DE EMPREGO cun total de 122.301 €, teñen sufrido unha importante baixa fronte ás do pasado exercicio (192.811,92 €), pero en calquera caso, é debido á súa mala xestión, son gastos que non teñen dado froitos significativos.
2.f.- Nas partidas dedicadas á CULTURA teñen un excesivo peso os gastos en atencións protocolarias, publicidade e propaganda e festexos populares. Por fin non aparece como investimento o famoso auditorio que fora dotado no exercicio do 2008 con 179.270€ e no 2007 303.000 € que evidentemente non se executaron xa que o tal auditorio, que se saiba, non está construído.
3.- Pola contra partidas que poderían reforzar ás políticas anticrise ou ben carecen de dotación orzamentaria, ou ben levan unha dotación moi cativa
1.- Solo industrial ( Polígono intermunicipal dos Barreiros): sen partida
2.- Promoción de emprego eficiente e conciliación laboral: partida escasa e pouco eficiente
3.- Políticas de igualdade e loita contra a discriminación de xénero: escasas e pouco eficientes
4.- Políticas medio-ambientais: sen partida
5.- Liñas de acción para o aforro e a eficiencia enerxética: sen partida
6.- Políticas de protección e recuperación do patrimonio: sen partida.
7.- Equipamentos públicos para o ocio e o lecer: escasamente dotada
8.- Promoción turística: partida escasa
9.- Máis Bolsas de estudos e axudas ao transporte para estudantes: partida escasa
10.- Cooperación INTERNACIONAL: partida irrisoria 0.05%
E por último o constante desprezo que se segue tendo polo idioma, como podemos constatar no “chapurreo” co que está escrito o documento; claro que vostede aínda se segue considerando o pioneiro na utiulización do noso idioma o que parece que lle dá dereito vitalicio a deturpalo e a ter esa acitude tan pouco coidadosa.
As nosas propostas configurarían un orzamento máis apropiado para os tempos de crise e netamente distinto ao que vostedes presentasn pero xa sabemos que non van ser tomadas en consideración, non é o seu talante negociar e buscar consensos, nin tan sequera en momentos críticos, xa o temos visto cando hai poucos días propuxemos liñas de consenso para deseñar e ter un seguimento das propostas que o Concello ten que presentar urxentemente ao abeiro do Plan de Investimentos Locais que o Goberno central vén de aprobar.
EN CONSECUENCIA O NOSO VOTO E UN VOTO NEGATIVO para o seu negativo proxecto de orzamento.

Brion 22 decembro 2008
Xesús Pena Espiña
Carme Robledo

DEBATE ORZAMENTOS 2009.

2008-12-27T05:17:00.001-08:00

O Senado insta ao Goberno a depurar o CERA antes das eleccións galegas tras unha iniciativa do BNG

2008-12-17T10:25:00.000-08:00

[GZnación / Redacción / 17 Dec 08]

COMENTARIO DO BNG DE BRION

No pleno do Concello celebrado o 17 de decembro debateuse a urxencia dunha moción sobre este memo asunto, presentada polo grupo popular e que o BNG tamén apoiou. O noso alcalde, o socialista sr Garcia Garcia nen tan sequera considerou a proposta como urxente polo que non se pudo tomar un acordo sobre este asunto. El tamen debe ter algun saco de votos por Venezuela, Uruguay ou Arxentina.

O pleno do Senado aprobou este mediodía por unanimidade unha moción do senador do BNG, Xosé Manuel Pérez Bouza, pola que insta ao Goberno a depurar o Censo Eleitoral de Residentes Ausentes (CERA), antes das próximas eleccións galegas. A día 1 de novembro deste ano, este censo está integrado por 333.798 eleitores en Galiza, o que supón o 27% do total dos inscritos no Estado español (1.233.568 persoas).

En concreto, a moción aprobada esta mañá, tras aceitar o BNG unha emenda do grupo socialista, insta ao Goberno a dotar a todos os consulados do Estado Español dos recursos humanos e técnicos necesarios para poder levar a cabo durante o mes de xaneiro do próximo ano 2009 un proceso extraordinario de revisión exhaustiva do CERA.

Tamén sinala que este proceso de revisión do CERA debe ter continuidade no tempo, realizándose, polo tanto, de forma permanente, emitindo o Goberno un informe estatístico público anual sobre as altas e baixas que se produzan no CERA, incluíndo no caso das baixas a causa que as teña motivado. Sen prexuízo do cal, e en relación co proceso extraordinario do parágrafo anterior, deberá emitirse un informe ao respecto antes de concluír o mes de febreiro de 2009.

Limpeza democrática

Pérez Bouza advertiu de que “tanto o BNG como o pobo galego esixen que na eleccións galegas previstas para marzo de 2009 o voto da cidadanía galega no exterior poida exercerse coas mínimas sombras de fraude , que contribúan a poñer en dúbida o resultado eleitoral”.

Para iso defendeu “unha depuración exhaustiva e urxente” do CERA , unha medida “á que o Goberno está obrigado por lei, e que tanto o PSOE como o PP veñen incumprindo, e para á que non é necesaria ningunha reforma legal, só vontade política”.

O senador nacionalista insistiu en que esta depuración “é crucial para garantir un proceso eleitoral limpo e democrático, especialmente en Galiza, onde o CERA xa representa o 12,65% do eleitorado, e decanta maiorías e minorías, mentres que no conxunto do Estado os residentes ausentes só representan o 3,52% do censo eleitoral”.

30% de inscricións erróneas

Durante a súa intervención, Pérez Bouza puxo múltiples exemplos de a actualización do CERA “non funciona correctamente”. Así denunciou que “cada día tramítanse de media 27 altas no CERA, pero apenas se producen baixa, a pesar da avanzada idade de moitos nos nosos emigrantes e do importante volume de retornados”.

A este respeito, lembrou que, “segundo dados do propio Ministerio de Asuntos Exteriores e da Secretaría Xeral de Emigración da Xunta de Galiza, como mínimo habería 50.000 inscricións erróneas só entre a colectividade galega, polo que unha depuración exhaustiva reduciría até nun 30% o número de posíbeis eleitores”.

“Contar cun censo depurado e real, que evite o surrealista espectáculo de que poidan votar os mortos ou de que un cidadán poida votar varias veces nun mesmo proceso eleitoral, ao estar inscrito en distintos consulados, é o mínimo esixíbel se non queremos que o resultado eleitoral se poida poñer en cuestión”, concluíu o senador do BNG.

PROPOSTA SOBRE O FONDO ESTATAL DE INVESTIMENTO LOCAL

2008-12-04T14:54:00.000-08:00

Vimos de presentar no rexistro do Concello de Brión unha proposta en relación ao Fondo Estatal de Investimento Local.
O noso grupo entende que a cantidace que se lle asigna a Brión, 1.254.316 euros é xa unha cifra considerable, pensemos que este concello está manexando no presente exercicio 2008 un orzamento municipal de 6,4 millons de euros dos que destina a investimentos reais 1,9 millons, pouco mais do que vai recibir agora deste Fondo para investimentos xeradores e emprego.

A nosa proposta é de que os proxectos que se presenten vaian avalados polo máximo consenso social, tanto entre os grupos políticos da córporación como dos colectivos veciñais que poden aportar iniciativas
O que pretendemos con esta iniciativa é abrir un debate sobre a que deben detinarse estes fondos no noso concello. Xa o propio Real Decreto define que estes fondos deben destinarse a financiar obras non contempladas nos orzamento municipais e ademais obras que xeneren emprego local.
O noso grupo entende que, prioritariamente, deberían ser actuacións sobre infraestruras e equipamentos con proxección de futuro e que repercutan no benestar dos veciños . Na medida do posible evitaremos que o diñeiro deste Fondo se destine a gastos correntes.

Brión 3 de decembro 2008

Xesús Pena Espiña
Portavoz municipal do BNG de Brión

Medran os edificios pero os veciños censados minguan. Os datos cantan.

2008-11-13T14:41:00.000-08:00

Se revisamos os datos referidos á poboación censada no concello de Brión, vemos que algo está pasando, e é que os datos cantan. Como é que nun concello que vive en pleno crecemento urbanístico non se reflite no incremento de poboación censada? Certo é que o boom urbanístico ten comezado aquí hai uns dez anos atrás, sendo especialmente agresivo estes últimos catro, xa que non pasan desapercibidos, á vista de calquera, os novos edificios construídos á beira da autoestrada e en xeral na parroquia dos Ánxeles, Bastabales e Brión. Entón a nosa pregunta é: Onde están os novos habitantes de Brión? Por que non se censan no concello? Como é posíbel que só se incrementara o censo, nun ano, en 23 persoas (10 homes e 13 mulleres)? A nosa resposta é: A carencia de servizos. Si, a carencia de servizos que converten a Brión nun gran dormitorio, e polo tanto nun lugar adormecido, e o peor que lle pode acontecer a un concello é a ausencia de dinamismo, porque o empobrece dende o punto de vista económico, social e cultural.
O transporte intercomarcal, que non dá “arrincado” cunha franxa horaria ineficaz e uns prezos elevados para quen teña, como os estudantes, que ir varias veces no día a Santiago.
O servizo de correos, con traslado de oficina a Bertamiráns, co conseguinte ninguneo para a cidadanía brionesa.
As carencias das políticas municipais que facilitasen o acceso á vivenda aos máis novos.
Aquel “famoso” auditorio, que leva indo nas partidas orzamentarias dende hai un lustro, e que non se dá feito, a ausencia de locais de ensaio para os mozos e mozas con inquedanzas musicais e artísticas.
Os tradicionais problemas co ensino, con horarios, dotacións, ciclos formativos... que aínda seguen parcialmente sen resolver, e que dende hai anos supuxeron un lastre para o asentamento da poboación.
A carencia de lugares de encontro, parques, paseos, espazos abertos para actividades de ocio e tempo libre, etc.
Todo isto repercute negativamente nun sector que non dá despuntado, que é o empresarial, xerador de traballo e riqueza local.
Pero somos culpábeis os cidadáns e cidadás brioneses? Non, aínda que temos que apandar coa parte que nos toca, este inmobilismo semella fomentado dende a Administración, e sobre todo dende a Administración Local, o Concello ten que espertar deste aurea mediocritas no que está ensumido e facer políticas efectivas, serias, chamando ás portas que sexa, encamiñadas a solucionar os problemas reais e preocuparse menos por ter unha imaxe “cultureta” que xa non convence a ninguén.
Brión non pode ser unha cidade durminte, nós apelamos ao dinamismo sostíbel.

Entrevista coa Conselleira de Vivenda e Solo. Que pode supor a inclusión de Brión no Plan Sectorial de Vivenda Protexida?

2008-11-03T09:48:00.000-08:00

Pequena presentación do perfil da conselleira e da consellería.

Filla de emigrantes ourensáns do Carballiño e Beariz, naceu na Cidade de México no ano 1.961. Doutora Arquitecta cunha Tese Doutoral sobre “A Cor en Arquitectura “. No 2.003 foi elixida Decana-Presidenta do Colexio Oficial de Arquitectos de Galicia, sendo a primeira muller en acceder a ese cargo. É conselleira titular do Consello Superior dos Colexios de Arquitectos de España e desde abril de 2006 preside a Comisión de Vivenda na Asemblea Xeral do Consello de Arquitectos de Europa, con sede en Bruxelas, no que está a traballar para a presentación das liñas básicas para o intergrupo de vivenda do Parlamento Europeo. Desde Agosto de 2005 ocupa o cargo de conselleira de Vivenda e Solo da Xunta de Galicia.

Por qué un Plan Sectorial de Vivenda Protexida?

O Plan Sectorial Galego de Solo Residencial é un documento de planificación urbanística supramunicipal destinado á obtención de solo para vivenda protexida, é o primeiro documento destas características que se elabora en todo o Estado. Este Plan Sectorial servirá como ferramenta para obter con axilidade solo residencial para vivenda protexida do que hoxe carecemos en moitas partes do país e que nos permita actuar de inmediato nas áreas de maior demanda de vivenda a prezo taxado, con independencia do grao de desenvolvemento do planeamento urbanístico de cada Consello.

Ademais, o desenvolvemento dos solos seleccionados no Plan Sectorial permitirá dar unha resposta a problemas de ordenación nos ámbitos seleccionados, mellorar as comunicacións, corrixir déficits dotacionais, completar tramas urbanas e, en xeral, mellorar as infraestruturas existentes.

Parece que a demanda de vivenda protexida é crecente máis, como interpreta a Consellería o tipo de oferta de vivenda protexida que debe proporcionar a través deste plan?

O Plan Sectorial Galego de Solo Residencial suporá a transformación urbanística de 8,7 millóns de metros cadrados de solo e planifica a construción de 45.600 vivendas protexidas en 57 concellos, nun período de tempo que vai do ano 2009 ao 2017. A estimación realizouse a partires da análise de tres variables fundamentais, a estrutura dos fogares galegos, as proxeccións de poboación e do saldo de fogares para os próximos dez anos, e o número de solicitantes inscritos no Rexistro de Demandantes de Vivenda Protexida, que a día de hoxe ascende a 23.000 demandantes activos.

Na situación de crise do modelo económico na que nos atopamos, qué papel vai xogar a Consellería con este Plan Sectorial?

Cremos que este Plan vai a actuar como un instrumento reactivador da economía e do emprego. A evolución da situación do mercado inmobiliario e as dificultades que comporta o acceso á vivenda xustifican sobradamente a necesidade dunha iniciativa como esta, no contexto da crise económica na que nos atopamos e faise, se cabe, máis oportuna, necesaria e urxente.

Neste contexto, a vivenda protexida pode e debe converterse no elemento dinamizador do sector da construción e, por tanto tamén da economía do país. Este plan sectorial ten capacidade para xerar unha carga de traballo cifrada en 300.000 empregos directos e indirectos e un volume de negocio de máis de 4.560 millóns de euros para o sector da construción.

Debemos entender este plan como unha medida illada na política dirixida a frear o incremento no prezo do solo residencial?

O Plan Sectorial forma parte do importante paquete normativo desenvolvido para sustentar lexislativamente a política social de vivenda deste Goberno, e non está formulado como solución exclusiva á carestía de solo residencial, senón como un complemento a outras actuacións para dar satisfacción a unha aspiración constante da cidadanía, o acceso a unha vivenda. É o caso da modificación da Lei do Solo, que supón un incremento de ata o 40% da porcentaxe de solo reservado para vivenda protexida nos concellos de máis de 20.000 habitantes.

Dende o Grupo Municipal do BNG en Brión levamos anos solicitando unha verdadeira política de vivenda para o noso concello, democrática e sustentábel. E só agora, dende a Consellería de Vivenda e Solo atopamos unha resposta que a veciñanza do concello viña reclamando. Que pode supor a inclusión de Brión no Plan Sectorial de Vivenda Protexida?

O Plan Sectorial Galego de Solo Residencial inclúe ao Concello de Brión na área funcional de Santiago de Compostela, cunha actuación concreta no lugar de Pedrouzos, un espazo conectado coa AC-451 que dá acceso á vía rápida Santiago-Noia. Delimitouse unha superficie de 55.527 metros cadrados nos que está prevista a construción de 187 vivendas protexidas e outras 47 vivendas de prezo limitado. O obxectivo fundamental é xerar un novo tecido urbano ao oeste do núcleo definido e crear unha ampla zona verde, de 15.000 metros cadrados. Esta actuación vai a supor un investimento de 4,9 millóns de euros.

Xa para rematar, non antes de agradecerlle este pequeno anaco da súa apertada axenda, gustaríame que resumira nun obxectivo, nunha frase, o paquete de actuacións que a súa Consellería está a levar a cabo no país.

Desde a Consellería de Vivenda e Solo queremos facer efectivo o dereito ao acceso a unha vivenda –en compravenda ou aluguer- que teñen todos os cidadáns, e que recolle a Constitución; queremos darlle a mesma importancia e protección que teñen a sanidade e a educación. Por iso, facemos unha política social de vivenda orientada á mellora da calidade de vida, á cohesión social, á loita contra a segregación por mor da vivenda, e a atención aos sectores desprotexidos.

O Concello de Brión limita a 4 o número de mocións dos grupos políticos

2008-10-16T05:37:00.000-07:00

O PP considera unha «mordaza» a decisión do goberno local e o BNG di que «non é democrática»
Emma Araújo
16/10/2008

O pleno de Brión aprobou onte cos únicos votos do grupo de goberno, que preside con maioría absoluta Xosé Luís García (PSOE), modificar o regulamento orgánico de réxime interno para regular a presentación de mocións dos grupos políticos e a forma de actuación en caso de posibles mocións de censura e de confianza.
A iniciativa do goberno local no concernente ás propostas que formulen os grupos políticos foi a de establecer un límite de catro por cada partido. Esta formulación provocou o rexeitamento do Partido Popular e BNG co argumento coincidente de que supuña un recorte aos dereitos dos grupos políticos e un claro hándicap á hora de fiscalizar a xestión municipal, sobre todo tendo en conta que Brión celebra sesións plenarias cada dous meses.
O portavoz popular, Carlos Tomé , tachou de «mordaza» a iniciativa do grupo de goberno e o seu homólogo do BNG, Xesús Pena, considerou que a decisión «non é democrática» polo que anunciou que o seu grupo buscaría mecanismos legais para intentar que non entre en vigor.
O rexedor, pola súa banda, afirmou que concellos como A Coruña e Arteixo teñen regulado o número de mocións con tres no primeiro caso e cinco no segundo. En base a isto e ás características dos dous municipios, García considerou suficientes as catro mocións por grupo e sesión plenaria en Brión e insistiu en que non nega información aos grupos da oposición. As queixas da oposición incidiron tamén en que o cambio no regulamento non garante que as catro propostas inclúanse como mocións na orde do día, o que implica que en primeiro lugar debe debaterse a súa urxencia, un trámite que só permite unha quenda para a exposición de motivos e a votación sobre a urxencia. Este mecanismo, segundo PP e BNG tamén supón un recorte nas funcións da oposición.
© Copyright LA VOZ DE GALICIA S.A.

MOCIÓN DESTINADA Á DIRECCIÓN XERAL DE OBRAS PÚBLICAS PARA QUE REPOÑA UN CAMIÑO EN GUNDÍN

2008-10-09T11:55:00.000-07:00

No pasado mes de xuño veciños e veciñas da aldea de Gundín, parroquia dos Ánxeles asinaron un escrito dirixido á DIRECCIÓN XERAL DE OBRAS PÚBLICAS DA XUNTA DE GALICIA que textulamente manifestaba o que segue:

“Rematadas as obras da nova autovía Santiago-Brión (AG-56) e unha vez que xa ten entrado en servizo, temos observado que un camiño veciñal que bordea a nosa aldea pola parte de abaixo, en paralelo á marxe esquerda da nova autovía, queda parcialmente inutilizado debido aos impedimentos para acceder ao camiño dende a estrada de Noia ( C-543 )

Este camiño fora construído a raíz da concentración parcelaria da zona e daba servizo ás propiedades do fondo da aldea comunicándoa coa actual estrada Santiago-Noia ( C-543 )

Una vez rematadas as obras da autovía, tal e como se pode apreciar nas fotos adxuntas, o camiño segue existindo, unicamente queda sen rematar o enlace coa estrada de Noia.(C-543)

Os veciños e veciñas que asinamos esta carta entendemos que o citado camiño segue ser de utilidade para dar servizo ás nosas propiedades e vivendas. Ademais a reposición deste camiño comunal supón para Gundín unha maneira de reorientar o seu futuro xa que coa nova autovía quedamos constrinxidos nun limitado espazo entre o novo vial e a vella estrada de Noia.

Son estas as razóns que nos levan a dirixirnos a esa Dirección Xeral para que teña a ben realizar as obras necesarias para retirar ou modificar o valado da marxe dereita da estrada de Noia (C-543 ) para permitir o acceso dende esta estrada cara ao camiño veciñal reposto entre Gundín e a autovía.”

No momento presente estes veciños e veciñas aínda non tiveron resposta da citada Dirección Xeral, polo que se dirixen, mediante esta proposta, ao Concello en Pleno para que se tome o acordo de facer chegar á Dirección Xeral de Estradas a necesidade de realizar as obras necesarias para retirar ou modificar o vallado da marxe dereita da estrada de Noia (C-543 ) para permitir o acceso dende esta estrada cara ao camiño veciñal reposto entre Gundín e a autovía.

Brión 5 de outubro de2008

Xesús Pena Espiña Carme Robledo Muiña
Concelleiro-portavoz Concelleira

MOCIÓN SOBRE AS DEFICIENCIAS QUE SE APRECIAN NO CPI DE BRIÓN.

2008-10-09T11:48:00.000-07:00

O colexio de Brión, vén sendo dende hai anos un punto negro en canto aos servizos que ofrece o concello, estámonos a referir ás constantes reclamacións que levamos feitas, ademais das da comunidade educativa, a teor das deficiencias que se presentan nas instalacións. De novo o noso grupo ten que denunciar a persistencia das mesmas, e ao mesmo tempo facer fincapé noutros aspectos das novas instalacións por consideralos de máxima importancia para o futuro do comunidade educativa.

1. Sobre as instalacións vellas:
a. Sobre o chan das pistas deportivas: este pavimento non é o axeitado para a práctica deportiva, por ser moi agresivo e esbaradizo, polo tanto proponse o cambio do mesmo.
b. Sobre as barreiras arquitectónicas: os accesos na súa totalidade dende o patio é a través de escaleiras, incrumpindo polo tanto a Lei de Accesibilidade.
c. Sobre o tellado: numerosas pingueiras que caen sobre as aulas.
d. Pintado de aulas: as paredes das aulas necesitan unha pintura urxente xa que ofrecen un aspecto lamentábel.
e. Cortizas e pechos das portas tamén necesitan unha reparación e/ou un cambio urxente.
f. As ventás do 1º e 2º andar son as mesmas que hai 30 anos, polo tanto deixan pasar o frío o que as fai pouco sostibles en canto a consumo de calefacción se refire e á propia confortabilidade.

2. Sobre as instalacións novas:

a. O CPI de Brión é un centro grande (sobre 400 nenos/as) que ademais se atopa en crecemento polo tanto non entendemos que haxa só dous aseos de

patio, un para os nenos e outro para as nenas, xa que son claramente insuficientes.
b. O Comedor escolar adoece dunhas dimensións reducidas o que vai obrigar a ter, cando menos, dúas quendas de comidas.
c. Tamén nos parece de sentido pouco común o sistema de ilumación das aulas, con lámpadas sen protexer que poden incluso resultar perigosas xa que se poden soltar ou romper.

O noso grupo solicita ao concello en Pleno que tome en consideración a seguinte proposta:

1. Que solucionen de inmediato aqueles aspectos que sexan da súa competencia.
2. Que manifeste o seu apoio á comunidade educativa nas reclamacións que están realizando ante os organismos competentes.
3. Que o concello faga as oportunas xestións ante a Consellaría de Educación para que se poña remedio a todas estas deficiencias que afectan á comunidade educativa en particular e a todos/as brioneses en xeral.

Brión 3 de outubro de 2008

Concelleiro portavoz: Concelleira:

Xesús Pena Espiña Carme Robledo

Manifesto a prol da convivencia lingüística e da igualdade de dereitos para o galego

2008-10-06T05:29:00.000-07:00

As persoas que promovemos esta chamada queremos manifestar, perante as institucións de autogoberno e como aclaración perante a sociedade galega, o seguinte:

1.- O pobo galego ten dereito a que a súa lingua propia (orixinaria) sexa oficial a todos os efectos no seu ámbito territorial. Os usuarios do galego deben desfrutar no seu territorio do mesmo status legal que o castelán ten no seu.

2.- A situación do galego está moi lonxe de ser así. Non desfrutamos de dereitos lingüísticos plenos para desenvolver a nosa vida diaria con normalidade na nosa lingua na nosa terra. Son os falantes do galego os que resultan discriminados. É o galego o que corre perigo como idioma e os galego falantes os que non son debidamente respectados. Vivimos unha grande inxustiza que é a negación da igualdade e da verdadeira convivencia.

3.- Por iso, resulta realmente preocupante que, desde Madrid, con apoio de importantes medios de comunicación, haxa quen pretenda convencer á opinión pública de que o castelán corre perigo de desaparición e que os seus falantes son discriminados no noso país. Esta inversión da realidade ten como obxectivo que os falantes do galego non teñan dereitos lingüísticos e que os únicos deberes para as Administracións públicas se vinculen ao castelán.

4.- O verdadeiro problema non está na cooficialidade de idiomas como o galego, senón na actitude de quen nega a existencia de pobos e linguas diferentes no Estado español. Esta actitude si é a negación da convivencia e da igualdade. O proceso de normalización de usos do galego foi lento e, até hoxe, insuficiente para garantir o dereito a vivir nesta lingua. O que compre é respectar a legalidade vixente (Estatuto e Lei de Normalización Lingüística) e avanzar con cambios legais na dirección da igualdade e da convivencia. Xustamente a dirección contraria á proposta polos que pretenden a imposición do castelán como único idioma con dereitos e deberes para os cidadáns en todo o territorio do Estado.

5.-. Correspóndelle ao pobo galego, a través das súas institucións representantivas, definir a política lingüística acorde co criterio de cooficialidade e de lingua propia que mesmo o actual Estatuto recoñece para o noso idioma. Esperamos o compromiso das institucións de autogoberno na defensa da igualdade plena de dereitos para o galego e na aplicación de medidas a favor da normalización dos seus usos. Neste labor contarán sempre co noso apoio.

6.- Alertamos á sociedade galega para non se deixar confundir e instámola a cavilar sobre a verdadeira situación do galego no propio país.
Defendemos un dereito humano elemental que nos define, ademais, como pobo diferenciado. Debemos ser firmes rexeitando todo posicionamento que persiga recortar dereitos ou retroceder no cativo camiño andado tanto nas administracións públicas, como na vida social.

Apoios ao Manifesto
Podes enviarnos o teu apoio a través do fax (981 583 782), por correo electrónico: amesa@amesanl.org ou ao enderezo postal (Rúa do Vilar, 15 - 1º dereita; Apartado 247; 15705 Santiago de Compostela).

Para apoiar o manifesto pica aquí

O Día da Patria

2008-08-04T02:19:00.000-07:00

Un día máis, un ano máis...

Concerto do día da Patria

2008-07-18T07:22:00.000-07:00

O vindeiro sábado, día 19 de xullo, estaba previsto a celebración dun concerto na nosa localidade co gallo do día da Patria. Entendendo que é necesario promocionar aos novos valores musicas da nosa terra, neste concerto ían participar grupos que comezan a introducirse no mundo musical galego.
Sen embargo, debido a causas alleas á organización, non puidemos reunir todos os requisitos que o Concello nos esixíu no último momento para a súa celebración. Por esta razón, máis aló de cancelalo, e en acordo cos grupos, decidimos aprazar a actividade para o vindeiro mes de setembro.

MOCIÓN PARA QUE BRIÓN PARTICIPE NO PROGRAMA DE APERTURA DE CENTROS EDUCATIVOS PÚBLICOS FÓRA DO HORARIO LECTIVO

2008-06-16T08:24:00.000-07:00

A Consellería de Educación e O.U vén de publicar no DOG do 11 de xuño a Orde do 26 de maio pola que se establecen as bases e se convocan, en réxime de concorrencia competitiva, subvencións para o cofinanciamento do Programa de apertura de centros educativos públicos fóra do horario lectivo nos concellos de Galicia para o ano 2008
Educación destina para esta iniciativa un total de 2.450.000 euros e poderán beneficiarse todos os concellos que teñan un ou máis centros educativos públicos. Os concellos terán que presentar un proxecto que inclúa actividades dunha ou das dúas modalidades que establece o programa. A primeira inclúe actividades saudables e de habilidades persoais para contribuír ao fomento de hábitos relacionados con estilos de vida e alimentación sans. A segunda está dirixida á mellora do éxito escolar, e á prevención do absentismo e o abandono prematuro dos estudos.
Os proxectos deberán ser presentados por cada concello antes do 12 de xullo. O importe solicitado non pode superar o 80% do orzamento do proxecto presentado.

O noso grupo entende que a iniciativa que propón a Consellería é de gran interese para os pais/nais e estudantes escolarizados no noso concello. Como todos sabemos, un gran número de familias que teñen fixado a súa residencia en Brión e con fillos en idades escolar, desenvolven as súas tarefas laborais fóra do concello polo que iniciativas deste tipo lles supoñen un importante avance na liña da conciliación da vida laboral e familiar.

Por estas razóns é polo que propoñemos que o Concello en Pleno tome en consideración a seguinte proposta:

1. O Concello de Brión toma o acordo de sumarse ao Programa de apertura de centros educativos públicos fóra do horario lectivo nos concellos de Galicia para o ano 2008 subvencionado pola Consellería de Educación e O.U. en consecuencia elaborará os proxectos necesarios para acollerse ás vías de subvencións establecidas.

2.- O Concello de Brión desenvolverá unha campaña informativa para dar a coñecer entre os/as interesados/as as utilidades de participar neste programa.
Brión 15 de xuño de 2008
Carme Robledo Muiña Xesús Pena Espiña

Quintana reclama "unha nova fronteira para o nacionalismo"

2008-06-09T05:36:00.000-07:00

O portavoz nacional pide traballar "para que neste 25 de Xullo teñamos a primeira exemplificación desta nova fronteira, que é converter o BNG na casa común de todos os galeguistas do país"

Santiago de Compostela, 7 Xuño 08. Anxo Quintana comezou hoxe en Santiago a intensa campaña de actos que -baixo o lema “cremos neste País”- vai desenvolver o BNG deica o 25 de Xullo, Día da Patria Galega. Realizou “un chamamento a todos e todas, aos que se sinten satisfeitos coa acción de goberno e aos que se sinten menos satisfeitos, pero a todos os que teñen a Galiza no corazón e na cabeza, para sermos capaces de construír unha nova fronteira para o nacionalismo”.

O portavoz nacional frontista destacou a existencia “dunha maioría social que pensa en clave de país e ten a Galiza sempre na súa cabeza” e chamou ao BNG a traballar “con esforzo e intelixencia para converterse na casa común de todos os galeguistas do país”.

“O BNG sempre fixo políticas para as maiorías sociais; agora temos que ser a representación política desa maioría social”, asegurou. Nesa liña, Quintana lembrou que “o BNG naceu xa con vontade hexemónica e maioritaria, non para ser complemento de ninguén” e chamou a acadar “a hexemonía democrática” e liderar o próximo goberno galego.

Segundo o vicepresidente da Xunta, “temos dado importantes pasos nese camiño”. Así, destacou as pasadas eleccións municipais “nas que o BNG obtivo o mellor resultado da súa historia en termos de representación institucional” e tamén as eleccións xerais “nas que prepararon un escenario para que Galiza fose só unha extensión da política española, pero non só fomos quen de resisitir senón mesmo de avanzar”.

Para Quintana, “esa nova fronteira que reclamamos para o nacionalismo galego que lle permita ser o proxecto político de todos os galeguistas deste país ten que ter a súa primeira exemplificación o próximo 25 de Xullo, que vai ser a mobilización máis grande de todo o nacionalismo”. “E iso será a antesala dun futuro de prosperidade para Galiza”, asegurou.

MOCIÓN PARA A INSTALACIÓN DE PASOS DE CEBRA E SEMÁFOROS NA ROTONDA DA AUTOVÍA COA ESTRADA AC- 451

2008-05-22T16:08:00.000-07:00

Dende que se teñen rematado as obras da autovía Santiago–Brión (AG-56) e unha vez entrada en servizo, o noso grupo veu facendo un seguimento e denuncia das máis diversas deficiencias, sempre co ánimo de que se resolvesen. Temos denunciado problemas cos valados das vías nalgunhas zonas, escasa iluminación nas rotondas, indicadores confusos, problemas de escorrentías nalgún talude, escorrentías e lameiras no túnel de Gundín a Boullón e problemas e deficiencias na sinalización no enlace da autovía coa estrada AC- 543 en Gundín, este xa calificado como un punto negro aínda sen solucionar e onde se seguen a producir accidentes.

De novo volve aparecer un punto conflitivo nas rotondas do Río Pego onde se atopa a saída a Brión e Os Anxeles (S-10) no entronque da estrada dos Anxeles con Pedrouzos (AC-451) coa autovía. Nesta zona existen dúas rotondas: unha de acceso e saída á autovia (S-10) e outra de enlace da autovía coa estrada (AC-541) que comunica Os Anxeles con Pedrouzos . En ningunha das dúas están sinalizados os pasos de peóns, o que obriga ás xentes que teñen que acceder ás distintas urbanizacións, instalacións deportivas e educativas e ao parque do Río Pego, a cruzar por onde boamente poden, co conseguinte risco de ser atropelados. É especialmente grave para os nenos e nenas que acoden a estas instalacións, así coma para as persoas maiores que van pasear ao parque citado.

Cremos que deberían, en ambas rotondas, marcarse pasos de cebra, debidamente sinalizados e iluminados, así como algún semáforo, especialmente na rotonda do enlace da estrada dos Ánxeles- Pedrouzos (AC-451)

En vista do exposto o Grupo do BNG propón ao concello en pleno a toma en consideración da seguinte proposta:

1. Que o Sr. Alcade faga as delixencias oportunas nos organismos correspondentes para que se subsanen urxentemente estas deficiencias.

Brión 21 de maio de 2008

Carme Robledo Muíña Xesús Pena Espiña
Concelleira Concelleiro-Portavoz

MOCIÓN PARA SOLICITAR O BACHARELATO NO IES DE BRION

2008-05-22T03:52:00.000-07:00

O pasado 19 de febreiro a prensa escrita recollía a seguinte noticia: ” o Instituto de Brión poderá empezar a ofrecer o bacharelato aos seus alumnos desde o inicio do próximo curso. O alcalde dese municipio José Luís García anunciou onte que o domingo obtivera o compromiso do Presidente da Xunta, Emilio Pérez Touriño, para que así sexa.”.
No Pleno do 27 de febreiro, o concelleiro-portavoz formula ao Sr. alcalde a pregunta:”….se isto é produto da precampaña electoral ou se a Consellaría de Educación, a través dos mecanismos regulamentarios, vai formalizar este compromiso dándolle, xa que logo, corpo legal, e se este acordo inclúe algún ciclo formativo”

O Sr. Alcalde contesta no Pleno, e así figura nas actas, : “….que o Presidente da Xunta efectivamente comprometeuse e que el non ten dúbidas acerca desta promesa”

A comunidade educativa mantívose á espera de que as palabras de Touriño foran ratificadas pola Consellaría de Educación. Pese ao tempo transcorrido, o colectivo de pais e nais de alumnos/as, a directiva do Instituto e os/as alumnos/as dos últimos cursos seguen á espera dunha resposta oficial definitiva a este respecto. E é evidente que a estas alturas é necesario iniciar o proceso de planificación do próximo curso academico 2008-09, abrir a reserva de prazas, o equipamento e a apertura das aulas de bacharelato, concretar as distintas modalidades de bacharelatos que se poderían impartir e mesmo saber se se podería impartir algún ciclo formativo e asignar os docentes e medios necesarios para iso.
É debido a estas circunstancias é polo que o grupo municipal do BNG considera necesario e urxente que a Corporación en Pleno tome en consideración o seguinte acordo:
1.- O Pleno do Concelo de Brión diríxese á Consellaría de Educación para que de xeito urxente tome o acordo de implantar no IES de Brión para o curso 2008-09 algún dos modelos de Bacharelatos vixentes, e mesmo se valore a posibilidade de impartir algún Ciclo Formativo.

Brión 21 de maio de 2008

Carme Robledo Xesus Pena

Rotundo éxito da manifestación pola lingua

2008-05-18T15:43:00.000-07:00

Marcos S. Pérez - 15:07 18/05/2008 vieiros.com

"Burra, no hables lenguas menores". Carlos Callón comezou o seu discurso na Praza da Quintana enumerando catro dos exemplos máis recentes de discriminacións ou ataques sufridos por galegofalantes por empregar a súa lingua en Galiza. Os protagonistas deses catro exemplos: Ana López-Suevos, Ignacio Vilar, Xesús da Torre e Eduardo Álvarez, foron os encargados de ler un breve manifesto que reivindicaba, sobre todo, o dereito a "vivir en galego", a ser quen de desenvolver a vida cotiá en todos os ámbitos na lingua propia de Galiza.Foi a manifestación polo idioma máis numerosa que se lembra, seguramente motivada por algún destes rechamantes casos de discriminación, e nomeadamente polos ataques dirixidos meses contra a lingua galega dende distintas organizacións (encabezadas por Galicia Bilingüe), que parapetándose na defensa dunha suposta 'liberdade lingüística', teñen iniciado unha campaña contra o uso normalizado do galego. Galicia Bilingüe foi o obxectivo de moitos comentarios e berros, aínda que o máis repetido foi o xa clásico Na Galiza, en galego.Chuviscou e choveu, intermitentemente, pero iso non influíu na asistencia a unha manifestación que resultou, sen lugar a discusión ningunha, un completo éxito, cunha moi visíbel participación de rapaces e adolescentes. A Praza da Quintana, con capacidade para unhas dez mil persoas, encheuse sobradamente, polo que parece claro que a participación superou esa cifra. A organización da marcha elevou o cálculo até as 25 mil persoas, mentres que a policía local rebaixou a asistencia até as oito mil manifestantes. A marcha estivo encabezada por dúas fileiras de rapaces e rapazas, que portando candansúa faixa, reivindicaron o seu dereito a facer a súa vida en galego, comezando polo ensino, unha das grandes reivindicacións da manifestación, e clave para asegurar a supervivencia do idioma. Na Quintana, o presidente da Mesa, Carlos Callón, afirmou que a situación do galego é crítica, pero que aínda está na man dos cidadáns e das administracións o mudar esta realidade. Felicitouse por iniciativas como as Galescolas ou a Lei de Comercio, pero lamentou a situación do galego no ensino, tanto no universitario coma no obrigatorio, onde levan anos incumpríndose as leis que indican un mínimo de contidos na nosa lingua.Igual de crítica amosouse a xuíza Ana López-Suevos, contra a que se abriron dilixencias opor permitir o uso do galego nun xuízo. López-Suevos criticou o escasos resultados que ao seu xuízo deron as políticas de normalización lingüística nos últimos 25 anos, e afirmou que en Galiza si existe un conflito lingüístico.

18-05-2008 vieiros.com

Sistema de financiamento autonómico: mito e realidade

2008-05-15T03:48:00.000-07:00

O debate sobre o sistema de financiamento autonómico é vital para entendermos o papel de Galiza no Estado español. Como nacionalistas, interésanos enormemente que se esclarezan os fluxos fiscais entre Galiza e o Estado. Non só non lle debemos ter medo nengún a esta cuestión, senón que a debemos suscitar abertamente. O nacionalismo tivo claro desde sempre –eis os traballos de Alexandre Bóveda durante a II República- que a fiscalidade era unha arma en mans do Estado para incrementar o noso grao de dependencia e furtar así toda posibilidade dun desenvolvimento autocentrado de Galiza.O primeiro que temos é coñecer a realidade. Os proprios datos oficiais (os últimos disponíbeis refírense ao exercicio fiscal 2005) desminten o falso mito da solidariedade estatal con Galiza. Non hai tal solidariedade. Galiza non vive de transferencias vindas nen de Madrid nen de nengunha comunidade autónoma. Galiza vive dos seus propios recursos.Vexámolo. En 2005 os galegos e as galegas pagamos impostos por un valor aproximado de 10.396 millóns de euros. Pois ben, os recursos totais que o sistema de financiamento do Estado outorgou ese ano á Administración autonómica –para financiar todas as competencias da Xunta- apenas chegaron a 6.839 millóns de euros (procedentes por suposto, deses 10.396 millóns). Isto é, estaríamos ante un superávit a favor de Galiza de 3.556 millóns de euros, cos que o Estado pode financiar sen problemas os servizos que presta en Galiza.A falacia da solidariedade estatal constrúese sobre a seguinte base: o que di ser o Estado máis descentralizado do mundo só descentraliza o gasto, non o ingreso. É a Facenda estatal quen recada a parte do león dos impostos. Así pode aparecer logo como benefactora das comunidades autónomas, ás que financiaría aparencialmente através do Fundo de Suficiencia. Trátase, por suposto, dunha inversión da realidade: son as comunidades autónomas, entre elas Galiza, as que financian o Estado e non o revés.Precisamos un outro sistema de financiamento. Precisamos unha Axencia Tributaria Propia. E unha suficiencia financeira que incremente os recursos totais que o sistema pon en mans de Galiza. Para iso é fundamental o diálogo bilateral co Estado e non un modelo multilateral que trate igual a realidades distintas. Non por capricho defende o BNG unha negociación bilateral: deféndea porque o modelo actual, o multilateral, non ten servido para que Galiza puidese atender debidamente as súas necesidades de gasto público.A nós non nos vale a xeneralización de nengunha cesta de tributos, nen a catalá nen a madrileña. Úrxenos fixar as nosas proprias percentaxes de cesión sobre o IRPF, o IVE e os impostos especiais. A igualdade que preconiza o españolismo non debe ser a igualdade do ponto de partida –as mesmas porcentaxes para todos-, senón a igualdade do punto de chegada –o mesmo grao de suficiencia financeira.En todo caso, o noso modelo final sería que Galiza recadase todos os impostos e transferise parte da recadación ao Estado para pagar os servizos (as competencias) que este nos presta.O que está en xogo neste debate é a eficacia do autogoberno para os próximos anos ou, o que o mesmo, as posibilidades de incrementar o benestar dos galegos e das galegas e de atender as súas demandas desde o Goberno nacional

Quintana apunta ás políticas de solo empresarial como instrumento clave para facer fronte á desaceleración económica

2008-05-12T03:54:00.000-07:00

Anxo Quintana e Teresa Táboas presentaron hoxe en Cangas a proposta de delimitación da Área Empresarial do Morrazo

Cangas do Morrazo, 9 Maio 08.- O vicepresidente da Xunta, Anxo Quintana, afirmou hoxe que “unha política de país en materia de solo industrial actúa como instrumento de dinamización e desenvolvemento económico e demostrarase clave para remontar a recesión actual” e, neste senso, asegurou que este Goberno “ten cambiado a anterior política de solo empresarial de parches por unha política de solo empresarial estratéxica”. Quintana fixo estas declaracións durante a presentación hoxe en Cangas da proposta de delimitación da Área empresarial do Morrazo, na que tamén participou a conselleira de Vivenda e Solo, Teresa Táboas.

O vicepresidente indicou que a nova situación de desaceleración económica “esixe unha actuación decidida por parte dos poderes públicos que nos permita remontar canto antes a crise actual”. Segundo dixo, a reactivación da economía pasa por un apoio firme aos nosos sectores produtivos; unha actuación sobre a vivenda protexida que beneficie ás familias, impulse o sector e evite a especulación; unha política enerxética que repercuta positivamente no país; unha aposta decidida pola investigación e a innovación; a dinamización do medio rural; a consolidación do Sistema Galego de Benestar e, tamén, “unha política de solo empresarial estratéxica, que actúe como verdadeiro motor do crecemento económico e que sirva tamén para cohesionar o territorio”.

Ao respecto, Quintana engadiu que un Goberno responsábel non pode dedicarse a sementar parques empresariais sen máis criterio que o amiguismo político e os intereses partidistas locais, “porque esta estratexia desemboca no despilfarro dos recursos públicos, na especulación e na ineficacia económica”. “Isto foi o que aconteceu en Galiza no pasado”, lembrou, cando nalgunhas comarcas do país as parcelas dos parques permanecían baleiras durante anos e noutras zonas había unha gran demanda de solo empresarial. Fronte a isto, Quintana asegurou que “agora, por primeira vez, temos unha política de solo empresarial que responde a unha planificación previa, que ten en conta as necesidades de solo produtivo das empresas e que busca, ademais, contribuír ao reequilibrio territorial do país”.

O vicepresidente explicou que esta nova política parte de que ningunha empresa pode deixar de implantarse no territorio galego ou de medrar por falta de solo empresarial urbanizado, con infraestruturas axeitadas e a prezos competitivos. Ao mesmo tempo, a disposición dese solo empresarial faise de xeito que se aproveitan tódalas potencialidades do territorio e non se crean competencias e rivalidades entre as diferentes áreas industriais. Esta nova aproximación plasmouse no Programa Galiza Suma, que prevé a creación de 20 millóns de metros cadrados de solo empresarial e un investimento de 2.000 millóns de euros en dez anos.

Esforzo inversor

A esta nova concepción da política de solo empresarial engádese “un esforzo inversor sen precedentes”. Quintana apuntou que nestes últimos dous anos a Consellería de Vivenda e Solo está a xestionar 39,2 millóns de metros cadrados de solo produtivo, cifra considerablemente superior aos 10 millóns xestionados nos dezaseis anos anteriores, e fixo a comparativa tamén en investimentos: 149 millóns nos últimos dous anos fronte a 135 millóns investidos en toda a etapa de goberno do PP. O vicepresidente da Xunta xa adiantou ademais que neste exercicio se vai continuar con esta liña de fortes investimentos, destinando 276 millóns de euros en 2008. “Esta é unha cifra histórica, sen precedentes no noso país”, asegurou, un investimento que “vai xerar un importantísimo volume de obra pública que vai contribuír de xeito decisivo a superar a desaceleración”.

Área Empresarial do Morrazo

Na nova estratexia de solo industrial deseñada polo Goberno galego, Quintana puxo como exemplo o estudo de Delimitación da Área Empresarial do Morrazo, presentado hoxe.

A situación escollida para esta área responde á súa posición central na península do Morrazo, con distancias equiparables para os concellos de Cangas, Moaña, Bueu e Marín. Tívose en conta tamén a boa comunicación da que dispón, con acceso ao Corredor do Morrazo e, por tanto, coa Autopista do Atlántico AP-9 e con Vigo como centro estratéxico do sur da provincia.

Quintana explicou que o ámbito xeográfico delimitouse tendo en conta a facilidade para a obtención dos terreos, a dotación de infraestruturas existentes, o menor impacto natural que se vai producir, unha urbanización máis sinxela e a posta a disposición dos terreos urbanizados no menor tempo posíbel. Do que se trata é de acoller o máximo número de parcelas de tamaño medio; o que vai permitir reducir os prazos na expropiación e non deixar fóra a propietarios de xeito arbitrario. No tocante á accesibilidade, aprovéitanse os accesos existentes actualmente dende o Corredor do Morrazo. Por outra parte, a dotación de infraestruturas, a auga, o alcantarillado e a electricidade proveñen da ampliación das instalacións do Polígono de Castiñeiras, en Bueu, que se vai integrar na delimitación da área empresarial prevista. Así mesmo, o impacto natural queda minimizado ao protexer os cauces existentes e non incluír os elementos arqueolóxicos catalogados.

Superficie e investimento

En total, a área empresarial disporá dunha superficie de 1.526.000 m2, dos que 724.000 m2 pertencen ao concello de Cangas e 623.000 m2 ao de Bueu, ao que hai que sumarlle os 120.000 m2 do Parque de Castiñeiras, xa existente e ubicado tamén neste municipio.

O investimento previsto é de 61 millóns de euros , que empezarán a executarse xa neste ano. Quintana adiantou que no 3º trimestre de 2008 está prevista a aprobación definitiva do proxecto sectorial; no 4º trimestre, a obtención dos terreos e no 1º trimestre de 2009 comezarán as obras de urbanización.

Trátase dunha actuación complementaria coas outras áreas do contorno de Vigo: o Parque Empresarial de Mos, o Parque do Val do Tea, en Ponteareas, e a Plataforma Loxística Salvaterra-As Neves (PLISAN), conformando un polo industrial no Sur da provincia estratéxico, competitivo e coordinado.

O vicepresidente asegurou que esta actuación constitúe “un bo exemplo da nosa política de solo produtivo”, pois nela conflúen os principais criterios que integran a estratexia do Goberno galego: a planificación integral, a busca do equilibrio territorial, a localización acaída, a axeitada integración no territorio, a ordenación e a urbanización de calidade, o respecto ao patrimonio natural e cultural, e a solución das eivas provocadas polas actuacións precedentes. “Imos darlle á área empresarial do Morrazo un valor estratéxico para a provincia e para o conxunto do país, situando á comarca no mapa empresarial de Galiza”, apostilou.

POLO DEREITO A VIVIRMOS EN GALEGO

2008-05-08T09:48:00.000-07:00

O BNG de Brión entendemos como incuestionábel o noso dereito colectivo a poder vivir no noso idioma, como fundamento básico da nosa identidade como pobo e como nación. Por isto dende o BNG apoiamos e invitámosvos a que asine o maior número de persoas posíbel o Manifesto da Mesa pola normalización lingüística:

POLO DEREITO A VIVIRMOS EN GALEGO

As persoas e entidades que apoiamos a manifestación nacional "Polo dereito a vivirmos en galego" este 18 de maio de 2008, declaramos:

Consideramos que vivir en galego é un dereito inalienábel das persoas na Galiza, e un dos dereitos humanos elementais que temos como pobo. Lembramos que o galego é o único idioma natural de Galiza, e que mesmo o Estatuto de Autonomía o cualifica como "a lingua propia" do país, o que nos une como galegas e como galegos. O pobo galego ten dereito a que a súa lingua ocupe todos os ámbitos da vida social propios de calquera idioma, con dignidade e con normalidade.
Consecuentemente, deben existir as garantías para podermos vivir en galego, o que exixe compromisos, así como a aplicación e a adopción das disposicións legais necesarias por parte das Administracións públicas.
Denunciamos e alertamos contra os que, apuntándose agora á defensa dun suposto bilingüismo, un bilingüismo dunha soa cara, pretenden unicamente o mantemento da diglosia e a desaparición do galego. Ou, o que é o mesmo, a negación do dereito colectivo á normalidade de usos da nosa lingua en todos os ámbitos.
Chamamos ao compromiso persoal de todas e todos coa lingua galega. Usémola en todos os ámbitos: comezando pola familia, coas nosas nenas e nenos, no noso traballo, nas relacións coa administración, no noso tempo de lecer, etc. O futuro do galego depende de nós.

PRA ASINA-LO MANIFESTO SOMENTES DEBES PICAR NO ENLACE QUE VÉN DESEGUIDO:

www.amesanl.org/18maio2008/apoios.htm

Un centenar de persoas solicitan unha vivenda de protección autonómica en Brión

2008-04-13T04:06:00.000-07:00

O grupo municipal do BNG de Brión recompilou información ao Rexistro Único de Demandantes dunha vivenda de promoción autonómica para coñecer as solicitudes deste tipo de inmobles no municipio. Segundo os datos facilitados polo portavoz municipal nacionalista, Xesús Pena, a demanda cífrase nestes momentos en 99 solicitudes.
En base a esta necesidade, o grupo do BNG brionés presentará unha moción para o seu debate no próximo pleno cuxo obxectivo é instar a que «ou concello realice vos trámites pertinentes para a reserva de só protexido para acadar vos parámetros marcados por lei».
En segundo lugar, o partido nacionalista tamén exporá que «dende ou concello revísese a posibilidade de ofertar vivenda pública que cubra a demanda dous solicitantes que xa están rexistrados».
Pena sinala que o obxectivo da súa proposta «é que se volva a poñer enrriba dá mesa un tema tan transcendente para ou futuro do noso concello, como é a vivenda pública que afecta fundamentalmente aos sectores menos favorecidos e entre eles á mocidade que se vén obrigados a buscar vivenda fóra do concello».
O BNG brionés engade na argumentación da súa proposta que «este é un momento propicio que pode axudar a reactivar ou sector dá construción e mesmo dar saída aos posíbeis excedentes de vivenda xa construída.
La Voz de Galicia.
13 abril 2008

MOCIÓN SOBRE VIVENDA PROTEXIDA

2008-04-13T04:03:00.000-07:00

No debate dos orzamentos municipais, celebrado o 18 de decembro do 2007, o noso grupo criticaba a ausencia de partidas para a promoción de vivenda pública. Con esta moción pretendemos que se volva a poñer derriba da mesa un tema tan transcendente para o futuro do noso concello, como é a vivenda pública que afecta fundamentalmente aos sectores menos favorecidos e entre eles á mocidade que se vén obrigados a buscar vivenda fóra do noso concello. Ademais consideramos que este é un momento propicio que pode axudar a reactivar o sector da construción e mesmo dar saída aos posíbeis excedentes de vivenda xa construída. Así mesmo tampouco podemos obviar a demanda que hai no Rexistro público de demandantes de vivendas de protección autonómica correspondente ao noso concello, que neste momento se cifra en 99 demandantes.
A nosa proposta ben avalada pola seguinte normativa, que pasamos a resumir:
1. A normativa estatal, Lei 8/2007, de 28 de maio, recolle de maneira expresa a obriga de reservar unha porcentaxe do 30% do solo previsto para uso residencial para vivenda protexida.
2. No Anteproxecto de Lei, de medidas urxentes en materia de vivenda e solo aprobada no Consello da Xunta o 14/02/2008 e no que modifica a Lei 9/2002, de 30 de decembro de ordenación urbanística e protección o medio rural de Galicia, e que a día de hoxe se atopa no tramite parlamentario para o seu debate, establece a porcentaxe mínima nun 30%, podéndose reducir ata un 20% se se xustifica que esta reserva é “manifestamente excesiva”.
3. Que debido á natureza mesma das medidas como urxente, nas disposicións transitorias recóllense mecanismos de aplicación directa sen necesidade de modificar o PXOM.
4. Que dende o pasado mes de febreiro de 2007 púxose en funcionamento un Rexistro Único de Demandantes, dependentes da Consallaría de Vivenda e Solo, que ten como finalidade facilitar a

xestión e o control na adxudicación de vivendas de protección autonómica.
Tendo en conta o anterior propoñemos ao concello en pleno a toma en consideración da seguinte proposta:
1. Que o concello realice os trámites pertinentes para a reserva de solo protexido para acadar os parámetros marcados por lei.
2. Que dende o concello se estude a posibilidade de ofertar vivenda pública que cubra a demanda dos solicitantes que xa están rexistrados.

Brión 11 de abril de 2008

Asdo: Xesús Pena e Carme Robledo

Táboas destaca as medidas tomadas para favorecer o acceso á vivenda das rendas medias e baixas

2008-04-01T02:52:00.000-07:00

A conselleira nacionalista pronunciou unha conferencia na clausura das xornadas A vivenda e a paisaxe organizadas pola Fundación Juana de Vega e a Delegación da Coruña do Colexio de Arquitectos de Galiza

Santiago de Compostela, 31 marzo 2008.- A conselleira de Vivenda e Solo, a nacionalista Teresa Táboas, salientou as medidas impulsadas polo seu Departamento para favorecer o acceso a unha vivenda ás rendas medias e ás rendas con máis dificultades do país. Táboas explicou estas medidas durante unha conferencia pronunciada no marco do acto de clausura das xornadas A vivenda e a paisaxe organizadas pola Fundación Juana de Vega e a Delegación da Coruña do COAG.

“Nas últimas décadas tanto o goberno central como o anterior goberno galego renunciaron a facer unha política social de vivenda"A conselleira de Vivenda e Solo salientou que “nas últimas décadas tanto o Goberno central como o anterior Goberno da Xunta de Galicia renunciaron a pór en práctica unha política social de vivenda que contrarrestase a actuación especulativa do mercado, tendo como resultado un incremento exponencial do prezo da vivenda libre, deixando fora do acceso á vivenda a maior parte dos galegos e galegas”.

Nese sentido, Táboas salientou que “chegou o momento de apostar por un cambio de modelo, que volva a entender que a vivenda é un ben de primeira necesidade, un ben de uso e non un produto de consumo ou de investimento para as rendas máis acomodadas. Chegou o momento de que os poderes públicos adopten un papel activo e comprometido”.

Con ese propósito, a Consellería de Vivenda e Solo puxo en marcha unha serie de medidas lexislativas e de programas que teñen como obxectivo básico fomentar a construción de vivenda protexida, “que é a única a que poden acceder maioría dos galegos”, subliñou Táboas.

40% reserva de solo

Entre outras medidas, a conselleira Teresa Táboas salientou a modificación da actual Lei do Solo de Galiza, impulsada pola Consellería de Vivenda e Solo, aprobada no Consello da Xunta do pasado 14 de febreiro, e que está agora no trámite parlamentario. “A finalidade desta modificación é a de incrementar as porcentaxes de reserva de solo para vivenda protexida”, salientou Táboas.

Incrementouse até o 40% a reserva de solo para vivenda protexida nos concellos de máis de 20.000 habitantesEn concreto, a proposta do Departamento autonómico foi incrementar ao 40% a reserva de solo para vivenda protexida nos concellos de máis de 20.000 habitantes, -21 do total de 315 municipios galegos-, incluídas as grandes cidades do país, que é onde se concentra a maior parte da demandada. No resto dos concellos galegos a reserva de solo queda establecida ata o 20% segundo o caso.

Outra das medidas explicadas pola conselleira de Vivenda e Solo durante a súa conferencia é o Anteproxecto da Lei de Vivenda. “Estamos a tramitar unha nova lei de Vivenda de Galicia, cunha visión social, que reflexa perfectamente cales son as nosas preocupacións e as nosas liñas de traballo”,explicou Táboas. A previsión da Consellería é remitir o texto ao Parlamento para a súa tramitación e aprobación no próximo período de sesións.

Aposta polo aluguer

Táboas concluíu a súa conferencia explicando a aposta da Consellería e Vivenda e Solo polo aluguer. Nese sentido, a conselleira explicou que o seu Departamento traballa nunha dobre dirección para estimular o acceso a unha vivenda en aluguer. “Por unha banda puxemos en marcha o Programa de Vivenda en Aluguer, que foi recentemente reforzado a través da aprobación dun paquete de medidas que incrementan os incentivos, e que foron aprobadas no Consello da Xunta do pasado 13 de marzo”,explicou Táboas, quen salientou que o obxectivo deste programa, do que xa se teñen beneficiado 3.200 familias ou unidades convivenciais, é “mobilizar a vivenda baleira que existe no noso país, -arredor de 230.000 vivendas baleiras-, e pór esa vivenda a disposición das rendas con máis dificultades a través dun aluguer subvencionado, inferior ao do mercado libre”.

Unha segunda liña de actuación da Consellería para o fomento do aluguer é a creación dun parque público de vivendas en aluguer, ben a través da rehabilitación de edificios que compra a Consellería nos centros históricos, que unha vez rehabilitados se destinan a aluguer subvencionado, ou ben pola construción de vivenda nova nas grandes cidades, cuxo destino é o aluguer sen opción de compra.

Publicado na web do BNG o 1 de abril do 2008

2008-03-11T15:20:00.000-07:00

209.042 razóns para dicir grazas Galiza

Quintana: "Nun resultado sen maiorías absolutas, os votos do BNG serán decisivos"

2008-03-10T10:37:00.000-07:00

Santiago de Compostela, 9 Marzo 08.- O portavoz nacional do BNG, Anxo Quintana, fixo esta noite a valoración dos resultados eleitorais por parte do Bloque Nacionalista Galego que significan “un aumento de votos con respeito a hai catro anos, un aumento porcentual no ámbito de Galiza e no do Estado español”.

En vista deste resultado o BNG dixo que “temos que amosar a nosa satisfación co resultado acadado. Resultado non só do BNG, senón que o panorama que se presenta é favorábel a participación do nacionalismo con carácter decisivo no ámbito estatal”.

Seguir lendo [...]

2008-03-07T09:54:00.001-08:00

O Bloque Nacionalista Galego quer expresar a súa máis enérxica condena perante o execrábel asasinato de Isaías Carrasco, tiroteado hoxe por un terrorista de ETA. En solidariedade cos achegados da vítima e en repulsa dese atentado, os nacionalistas galegos suspendemos todos os actos de campaña até as eleccións

Sentidas verbas de Encarna e Oca na parroquia de Óns

2008-02-28T08:28:00.000-08:00

O pasado martes 26 de febreiro, na parroquia brionesa de Ons, tivo lugar un sentido mitin no que dous referentes históricos do nacionalismo no noso país agradaronnos cunhas verbas cheas de sentimento.
A primeira en intervir, a nosa compañeira Encarna Otero, fixo fincapé no dereito que os dous partidos estatais lles negan ás mulleres que se ven obrigadas a tomar a difícil decisión de interromper o seu embarazo.
Pola súa parte, Antonio Oca fixo unha sentida referencia ao partido, o BNG, que durante moito tempo berrou por todos os recunchos do páis, reclamando o que é de seu, e ao partido, que agora, xa no goberno segue a traballar pola xente, que, segundo as súas propias verbas, é o elemento fundamental do noso partido.
Ambos os dous oradores destacaron a necesidade para Galiza de que o BNG se faga "dono" do seu futuro, e non só con baleiras competencias exclusivas en materias sectorias senon tamén en materia fiscal.

BNG e PP ACUSAN AO ALCALDE A POÑER TRABAS AS SUAS PROPOSTAS

2008-02-27T15:37:00.001-08:00

O rexedor de Brión, Xosé Luís García (PSOE), enfrontouse onte ao que sen dúbida é unha nova etapa política no municipio tras incorporarse ás filas socialistas logo de varios mandatos como alcalde independente.
O Partido Popular e o BNG, con tres e dous edís respectivamente, presentaron semanas atrás a solicitude formal dun pleno extraordinario para tratar asuntos relacionados coa organización das sesións de debate, os seus horarios e a non inclusión das súas mocións na orde do día. Finalmente, e dentro dos prazos que marca a lei neste tipo de solicitudes, a sesión celebrouse onte, en vésperas do debate ordinario.
Tendo en conta que o ex independente goza de maioría absoluta (o grupo de goberno fórmano oito concelleiros socialistas nunha corporación de trece membros), o PSOE brionés rexeitou as propostas da oposición, matizando, por boca do propio rexedor, que «non utilizamos ou rodete, temos vos votos que ou pobo quixo».
A batalla principal que expuxeron populares e nacionalistas foi a da inclusión das súas mocións ou propostas na orde do día dos plenos, un mecanismo que se segue na práctica totalidade de municipios da contorna compostelá. Con todo, en base aos informes do departamento de secretaría e aos argumentos expostos polo rexedor, durante o debate púxose de manifesto que a orde do día dos plenos decídeo o alcalde e non a oposición. García sinalou que as mocións que presente a oposición teñen cabida no pleno antes da preceptiva quenda de rogos e preguntas, aínda que neste caso o pleno debe pronunciarse primeiro sobre a urxencia da citada moción e se esta prospera, ditas mocións pasan a ser debatidas e votadas. O rexedor recordou que este é o sistema de funcionamento e organización de institucións como a Deputación da Coruña e retou a populares e nacionalistas a que dixesen que tal sistema non era legal.
O portavoz nacionalista, Xesús Pena, acusou ao rexedor de «facer unha interpretación inmensamente restritiva dá lei» e acusou a García de «estar coartando ou debate democrático». O portavoz Popular, Carlos Tomé , instou ao grupo de goberno a «cumprir vos acordos que se toman non pleno», por exemplo a gravación dos debates plenarios.
Antes de dar por concluída a sesión, García reiterou a súa predisposición ao diálogo e comprometeuse a celebrar antes das comisións informativas de cada pleno unha reunión de portavoces para estudar con detalle as mocións que presenten os grupos para a súa posible inclusión na orde do día se se trata de iniciativas nas que se alcanza algún principio de acordo. Populares e nacionalistas agradeceron o xesto, pero se mostraron escépticos ante o seu posible cumprimento.

La Voz de Galicia

27 de febreiro 2008

Apertura de Campaña

2008-02-20T04:25:00.000-08:00

PUNTO NEGRO NA AUTOVÍA DE BRIÓN

2008-02-20T03:01:00.001-08:00

A inauguración da nova autovía Santiago- Brión o pasado venres 15 de febreiro vén a fornecer a nosa rede viaria dun novo punto negro: na saída en Gudín (Brión), no enlace da autovía coa estrada AC-543 de Santiago a Noia, onde xa se produciron varios accidentes un o sábado e dous o luns.
O grupo de BNG de Brión denunciará estes feitos mediante nunha moción que se vai levar ao próximo pleno do Concello, para que se tomen as medidas oportunas para solucionar esta situación que consideramos inadmisibel. Na moción vamos propoñer que o Concello de Brión se dirixa a Dirección Xeral de Obras Públicas para que canto antes se corrrixa as graves deficiencias nos accesos a estrada de Noia en Gundín. Esta mesma proposta farémola chegar á Conselleria de Obras Públicas en nome do Grupo Municipal do BNG e mesmo formularemos unha interpelación no Parlamento galego mediante o grupo parlamentar do BNG
O certo é que non é normal que para acceder á estrada de Noia haxa que atravesar o carril dos que se incorporan cara a Santiago, creando unha situación de alto risco e, ademais cuns accesos que crean confusión aos usuarios e cunha deficitaria sinalización. Certo que a autovía se inaugurou dous meses antes do previsto, e certo tamén que chegamos moi axiña a Santiago pero esperamos que non sexa a custo de vidas humanas e que o noso refrán “as présas non son boas” quede só niso: nun refrán.

Acto Público do BNG en Brión

2008-02-19T07:56:00.001-08:00

O pasado 25 de Xaneiro tivo lugar na nosa localidade un acto público no que intervirón, o noso compañeiro Roberto Pardal Coca, o Portavoz Parlamentar, Carlos Aymerich e a candidata número 2 pola provincia da Coruña, Elvira Cienfuegos.
Todos os intervintens destacaron que dende o BNG "temos o convencemento de que Galiza necesita que o nacionalismo galego sexa decisivo na gobernabilidade do estado", e que o vindeiro 9 de marzo non se van a dar maiorías absolutas nas urnas.
Os asistentes, arredor de 70 persoas, achegaronse dende toda a comarca e abarrotaron o salón de actos. Entre outros, asistirón ao acto o responsábel comarcal, Inacio Louzao, a responsáble de acción feminista do BNG, Rosario Fernández Belho, e o deputado provincial, Xoán Cabo.
Agradecer, en calquera caso, a boa disposición que en todo momento atopamos por parte do Hotel Balneario Compostela á hora de realizar o acto.

MOCIÓN PARA RESOLVER OS PROBLEMAS DAS ESCORRENTÍAS NO TÚNEL DA AUTOVÍA DA ESTRADA DE GUNDÍN A BOULLÓN

2008-01-29T14:49:00.000-08:00

A estrada local que comunica as comunidades de Gundín e Boullón e que a súa vez enlaza coa estrada - C-543 - de Noia vén de sufrir unha importante modificación debido ao trazado da nova autovía Santiago – Brión polo fondo de Gundín. O paso realizouse en túnel o que obrigou a rebaixar considerablemente o nivel que tiña antes a estrada. Agora nos días de choiva esta vía local máis que unha estrada parece unha canle de desaugue e evacuación de toda a escorrentía que baixa dende Gundín cara ao Rio Pego.

Parece evidente que hai un problema construtivo nos taludes de recheo da autovía e tamén das gabias e bocas de desaugue que deberían captar as augas da escorrentía impedindo que baixaran pola estrada. Igualmente non parece lóxico que cada vez que chove con certa intensidade as choivas despracen unha grande cantidade de terra , pedras e restos das obras cara o Rio Pego.

O problema é grave en toda a zona baixa da estrada pero especialmente xusto na parte que descorre en túnel por debaixo da autovía. Nesta zona, tal como se pode apreciar nas fotos adxuntas, é onde se acumula a maioría dos materiais arrastrados pola auga e mesmo nos días que non chove corre auga permanentemente pola vía. Sobra dicir que a circulación dos coches por ese tramo da estrada é altamente perigoso, mesmo en dias sen choivas.

Por estes motivos é polo que o noso grupo presenta oa Pleno, para a súa aprobación a seguinte proposta:

1.- Que o Concello en Pleno tome o acordo de dirixirse a Dirección Xeral de Obras Públicas da Xunta de Galicia para realice as obras necesarias na autovía Santiago- Brión na zona do túnel da estrada de Gundín a Boullón ao fin de evitar que as augas das choivas despraen grandes cantidades de todo tipo de materiais pola estrada abaixo cara ao Rio Pego e que sexan un elemento altamente perigoso para a circulación rodada.

2.-Que o Concello preste unha especial vixianza na zona do túnel limpando as terras e outros materiais depositados, e desvíe as augas que descorren por debaixo do túnel cara a outros lugares onde no cause danos.

Brión 27 de xaneiro 2008

Xesús Pena Espiña
Concelleiro-Portavoz do BNG

MOCIÓN SOBRE A SUPRESIÓN DA TARIFA ELÉCTRICA NOCTURNA

2008-01-27T14:27:00.000-08:00

Dende o ano 1983 estabeleceuse, no Estado Español, a denominada Tarifa Eléctrica 2.0N (coñecida como Tarifa Nocturna). Esta tarifa basease na filosofía de primar o consumo nas horas nocturnas, onde a potencia consumida no conxunto do sistema eléctrico é menor.
Esta tarifa ten un desconto do 55% nas horas nocturnas e un recargo do 3% nas horas centrais do día. E favorece o consumo de determinados electrodomésticos, como son: acumuladores, lavadoras, lavalouzas, quentadores de auga, etc, que se poden usar de noite.
A tarifa nocturna busca un consumo enerxético máis responsábel e solidario, e obrigou a instalación nos fogares de determinados equipamentos, cun elevado custe de investimento, como foron os acumuladores eléctricos.
O termo de potencia contratada, que é un concepto fixo, na factura eléctrica, estímase en 5,3 Kw de media para os clientes desta tarifa.
Actualmente no Estado hai, aproximadamente, 1 millón de clientes desta tarifa; no caso de Galiza, debido a súa climatoloxía que obriga ao uso dun sistema de calefacción eficiente, temos uns 160.000 usuarios/as, é dicir, o 16% do conxunto do Estado.
A tarifa nocturna mantívose sen modificacións dende o ano 1983 até o ano 2006, no que xa non se permitiu novas altas baixo esta tarifa, mais o cambio fundamental está en que os/as consumidores/as acollidos/as a esta tarifa (tarifa nocturna) deberán comunicar á empresa distribuidora, antes do 1 de xullo de 2008, a nova tarifa á que desexen acollerse. Unha vez transcorrido o prazo, sen que o/a cliente solicite as novas condicións do contrato, a compañía distribuidora aplicará automaticamente outras tarifas de acordo coa potencia contratada.
É dicir, a partires do 1 de xullo do 2008, desaparece a Tarifa Nocturna.

Con este Real Decreto obrígase aos/ás clientes con esta tarifa a contratar unha nova potencia, superior á que tiñan no consumo das horas punta e a un incremento do prezo sobre o consumo que tiñan nas horas punta, xa que pasan dun recargo do 3% a un 35%. En conxunto o incremento que poden padecer, na factura eléctrica, pode chegar ao 49%.
Na nova Orde de Tarifas Eléctricas existe a nova Tarifa de Discriminación Horaria, mais, para acollerse a esta nova tarifa, os/as usuarios/as de Tarifa Nocturna deben asumir integramente os custes do cambio, que son cantidades importantes e que están estimadas entre 400 e 500 €uros por cliente. Uns 200 €uros se gastarán no cambio de limitadores de potencia e outros 200 ou 300 €uros, na adaptación dos sistemas de calefacción, que deberán cambiar as actuais resistencias por outras de menor potencia, ou ben, estabelecer dous circuítos de calefacción independentes entre si.

Asemade, unha vez realizadas as modificacións precisas, na nova Tarifa de Discriminación Horaria, haberá que pagar por un maior incremento da potencia contratada, que é unha parte fixa da factura eléctrica. Isto terá un efecto especialmente negativo en Galiza, pois haberá que contratar unha potencia que se emprega fundamentalmente no inverno (polos acumuladores
eléctricos), e se continúa pagando na primavera e no verán, cando non se necesita tanta potencia; isto coa Tarifa Nocturna non pasaba.
Como vemos, esta nova regulación das tarifas eléctricas, vai supor un importante gasto nas economías familiares, se temos en conta a media salarial e de pensións en Galiza; asemade o Goberno do Estado non contempla, na nova regulación, ningunha medida de compensación, nin reparte cargas entre usuarios/as e empresas distribuidoras que, en definitiva, serán as grandes beneficiarias.

Entendemos que no noso Concello , debido ao crecemento urbano que está experimentando nos últimos anos, deben ser moitos os/as propietarios/asde vivendas afectados/as pola desparición da Tarifa Nocturna.
Por este motivo, o grupo municipal do BNG solicita a aprobación polo Pleno da Corporación do seguintes ACORDOS:

1.- Instar á Xunta de Galiza a que demande do Ministerio de Industria, Turismo e Comercio o mantemento dunha tarifa con características semellantes á nocturna

2.- A gratuidade para os/as usuarios/as que necesiten realizar o cambio de limitadores,

3.- A creación de liñas de subvención para os custes de adaptación dos equipamentos das vivendas de usuarios/as de Tarifa Nocturna que desexen acollerse á Tarifa con Discriminación Horaria.

Brión 24 de xaneiro 2008

Xesús Pena Espiña
Concelleiro-portavoz do BNG

Acto do BNG Brión

2008-01-21T01:00:00.000-08:00

O vindeiro venres, día 25 de xaneiro, o BNG de Brión vai celebrar un acto político no Hotel do Balneario do Tremo, ás 20:30 h. Neste acto intervirán Carlos Aimerich que é o Portavoz Parlamentar do BNG, Elvira Cienfuegos, concelleira de Medio Ambiente en Compostela e Suso Pena, o Portavoz Municipal de Brión. Tentaranse abordar neste acto as políticas que está facendo o BNG tanto a nivel estatal como nacional, así como responder ou aclarar as cuestións que o público asistente considere. Esperámoste!

DEBATE ORZAMENTOS 2008 A NOSA POSICIÓN

2007-12-18T13:40:00.000-08:00

1.- Convén recordar ao inicio do debate:
a) A importancia do orzamento como documento vertebrador da situación económica e social do concello, pauta das liñas prioritarias da acción de goberno e guía estratéxica para o futuro do noso concello.
b) A importancia de incentivar a participación cidadá e contas transparentes no camiño do que que se vén chamando “orzamentos participativos”.
2.- NON entramos no debate en se son CONTINUÍSTAS, REFORMADORES OU CONSERVADORES, só diremos que son os seus orzamentos como veñen sendo nos últimos 30 anos, unicamente con máis diñeiro e mellorados tecnicamente.
3.- Seguen sendo escasamente inversores: 29,5% en investimentos reais fronte o 68,19% en gastos correntes dos que o 31,88% corresponden a gastos de persoal. É maior o gasto en persoal (2.062.573,47 €) que o que se inviste en inversións reais (1.910.035,18 €)
4.- Entre as partidas de gastos, o noso grupo bota de menos liñas de acción que irían colocando ao noso concello á altura dos novos tempos cun maior nivel de benestar social, maior calidade na prestación de servizos e un crecemento económico sostible.
Partidas que, ou ben carecen de dotación orzamentaria, ou ben levan unha dotación moi cativa e que se deberían destinar prioritariamente as seguintes liñas de acción de goberno:
1- Promoción de vivenda pública: sen partida
2.- Equipamentos públicos para o ocio e o lecer (carril bici paralelos aos novos viais e recuperación marxes do río Pego). Escasamente dotada
3.- Solo industrial ( Polígono intermunicipal de Os Barreiros): sen partida
4.- Promoción turística: sen partida
5.- Promoción de emprego eficiente, conciliación laboral e políticas de igualdade: partida escasa e pouco eficiente
6.- Máis Becas e axudas ao transporte para estudantes: partida escasa
7.- Políticas medio-ambientais: sen partida
8.- Cooperación INTERNACIONAL: partida irrisoria.
Posiblemente se no concello houbese un auténtico equipo de goberno con persoas capacitadas e responsabilidads compartidas, con políticas máis decididas e menos rutinarias varias destas liñas de acción, que nos propoñemos, poderían ser financiadas ou co-financiadas por outras Administracións.

5.- Pola contra no proxecto que se nos presenta para a súa aprobación deberíanse reformular, cando menos, os seguintes aspectos.
1.- A política de persoal. Ao noso entender, é excesivo o gasto en persoal seguramente derivados dun cadro de persoal, fundamentalmente o laboral, pouco adecuado as necesidades reais e aos servizos que se deben prestar, e si máis en función dos intereses políticos do grupo gobernante.
2.- Son excesivos os gastos en enerxía eléctrica e combustibles, seguramente derivados da carencia de políticas de aforro e eficiencia enerxética.
3.- Son escasas as partidas adicadas a ACCIÓN SOCIAL no referente á calidade e eficiencia dos servizos que se prestan.
4.- As partidas adicadas a SEGURIDADE son simbólicas, o mesmo que o no exercicio 2007. A proposta de tres gardas vai ser insuficiente e inoperativa, no caso de que este exercicio entre en servizo.
5.- As partidas para a PROMOCIÓN DE EMPREGO con un total de 192.811,92 € non teñen dado ningún froito
6.- Nas partidas dedicadas á CULTURA teñen un excesivo peso os gastos en atencións protocolarias, publicidade e propaganda e festexos populares. Como investimento aparece o famoso auditorio por un total de 179.270€ que non sabemos o que é nin como se finanza e que intuimos que é unha partida para inflar o orzamento, o mesmo que no exercicio pasado, cando tamén aparecía esa partida pero dotada con 303.000 € que evidentemente non se executou.

As nosas propostas e as nosas críticas, que xa sei que non van ser tomadas en consideración, pero certamente que configurarían un orzamento netamente distinto ao de vostedes que nos non compartimos.

EN CONSECUECIA O NOSO VOTO E UN VOTO POSITIVAMENTE NEGATIVO

Carme Robledo e Xesús Pena
Grupo Municipal BNG de Brión

NOVAS BARREIRAS PARA VELLAS BARREIRAS

2007-11-27T11:01:00.001-08:00

Nas fotos vemos o antes e o despois da Casa da Cultura, antes había barreiras agora tamén.

OBRAS NA AUTOVIA

2007-11-22T10:25:00.000-08:00

Estan procedendo a colocar o valado na autovía na zona de Gundín. Fixádevos por onde colocan os postes, a zona de expropiación está por riba do talude.
Deixan o talude sen protección.
Colocan valado non para protexer senon para adornar.

25 anos facendo País

2007-11-09T06:26:00.000-08:00

O vindeiro venres 16 de novembro, as 20:30 horas, terá lugar no hotel Porta do Camiño o Acto Comarcal conmemorativo do 25 Aniversario da Fundación do Bloque Nacionalista Galego. Neste acto intervirán Ignacio Louzao, Encarna Otero, Xose Manuel Beiras, Ánxela Bugallo, Nestor Rego e Anxo Quintana. Así mesmo contarase coa actuación de Uxía Senlle.
Despois do acto terá lugar unha cea, para a cal haberá que comunicar a presenza antes do mercores 14 de novembro.

Novas responsabilidades locais

2007-10-27T11:34:00.000-07:00

O BNG de Brión vén de renovar as responsabilidades locais, así o novo responsábel local é Roberto Pardal Coca e a vicerresponsábel Rocío Pérez Alfonsín. Dende estas páxinas a Asemblea Local de Brión dálles a benvida e todo o ánimo para traballar con ganas e seguir adiante co proxecto do BNG na localidade.

Achegamos o perfil dos novos responsábeis:

Coca é licenciado en Ciencias Políticas e doutorado en procesos políticos contemporáneos así como máster en Xestión e Políticas públicas. Na actualidade traballa como coordinador do programa de vivendas de aluguer dependente da Consellaría de Vivenda.

Rocío é licenciada en filoloxía galega e na actualidade traballa como normalizadora lingüística na TVG.

104 millóns máis grazas ao BNG

2007-10-27T11:29:00.000-07:00

RODRÍGUEZ CONCRETA O DESTINO DOS 104 MILLÓNS DE EUROS ADICIONAIS QUE RECIBIRÁ GALIZA NOS ORZAMENTOS 2008 GRAZAS Á NEGOCIACIÓN DO BNG CO GOBERNO

O portavoz do BNG no Congreso salienta os 30 millóns para o ferrocarril, 10 millóns para a recuperación de terreos do litoral galego, os 8 millóns para seguridade vial e actuacións en estradas, os 15 millóns para o Programa de Desenvolvemento Rural e os 6 millóns para o Plan Nacional de Calidade de Augas.

INICIATIVA PARLAMENTARIA SOBRE O RETRASO NAS OBRAS DO I.E.S.

2007-10-25T13:29:00.000-07:00

Á Mesa do Parlamento

Ana Belén Pontón Mondelo e Manuel Parga Núñez, deputada e deputado do Grupo Parlamentar do Bloque Nacionalista Galego (BNG), ao abeiro do Regulamento da Cámara, presentan a seguinte Pregunta, para a súa resposta oral en Comisión, relativa á posta en funcionamento do novo IES no concello de Brión.

No concello de Brión hai detectada, desde hai anos, unha masificación do actual IES. A comunidade educativa, así como diferentes instancias sociais, reclamaron hai xa tempo unha intervención da Consellaría de Educación e Ordenación Universitaria que rematara coa problemática da masificación das aulas, máxime cando neste concello hai un incremento notábel da poboación tal e como se pode constatar nos datos oficiais do censo de poboación. O BNG ten feito fincapé na urxencia de dar unha solución de futuro a esta demanda educativa, tanto na pasada lexislatura como na presente.

O novo goberno bipartito fíxose eco desta demanda e no consello da Xunta celebrado o 9 de febreiro de 2006, autorizou a sinatura dun convenio co concello a fin de dotar dun novo IES en Brión.

En base ao citado convenio de colaboración a administración local cedería os terreos precisos e a Consellaría de Educación e Ordenación Universitaria, todo o proceso necesario para a construción do novo centro de Educación Secundaria. O convenio asinado tiña como límite temporal o 31 de decembro de 2007 (podéndose prorrogar automaticamente por un ano).

A previsión de que o novo centro ía estar en funcionamento para o curso académico 2007/08, foi confirmada nunha resposta (nº 7211) remitida polo Goberno a unha pregunta formulada polo grupo parlamentar do BNG. A resposta dicía literalmente: “O novo IES de Brión empezará a funcionar no curso académico 2007/08 para substituír ao actual centro do IES de Esparís-Viceso”.

O incumprimento desta previsión é constatábel, dado que o novo centro aínda se atopa en obras.

Dada a necesidade evidente deste centro e a urxencia derivabel da súa posta en servizo, formulamos as seguintes preguntas para a súa resposta oral en Comisión:

1.ª) Cal é a valoración que realiza a Consellaría de Educación desta situación?
2.ª) Que motiva o retraso a respecto das previsións para a posta en funcionamento deste novo centro educativo?

3.ª) Que requirimentos ou actuacións ten feito a Consellaría para evitar este retraso?
4.ª) Prevé a Consellaría que este centro vai estar a disposición da comunidade educativa antes do inicio do ano 2008?

Santiago de Compostela, 25 de outubro de 2007.
Asdo.: Ana Belén Pontón Mondelo
Manuel Parga Núñez Deputada e deputado do G.P. do BNG.

OS RETRASOS NAS OBRAS DO NOVO I.E.S.

2007-10-17T12:21:00.000-07:00

O novo Instituto de Secundaria que se está a construír en Pedrouzos, ao lado do Colexio de Primaria arrastra un considerable retraso nas súas obras.
No convenio asinado, pola Sra. Conselleira de Educación Dna. Laura Sánchez Piñón e mais polo nos alcalde, ala polo mes de febreiro do 2006 contemplaba que entrara en funcionamento no presente curso 2007-2008. Logo mais tarde falouse que podería abrir as portas despois do Nadal deste ano.
O certo é que visto o retraso das obras e o que falta por facer, vai ser ben difícil que este curso os nenos e nenas de Viceso poidan inaugurar o centro.
E mentres tanto, quen paga as consecuencias? Quen é o responsable do retraso?

MOCIÓN PARA QUE OS GMIR REALIZEN FUNCIÓNS DE VIXIANZA NO COLEXIO DE PEDROUZOS

2007-10-11T11:42:00.000-07:00

Os Grupos Municipais de Intervención Rápida (GMIR) téñense definido como un corpo enmarcado dentro da seguridade civil dos municipios e que teñen como principal función ter unha infraestructura altamente operativa que permita dar resposta inmediata ante situacións de emerxencia que impliquen riscos para persoas ou bens materiais.

Entre as funcións concretas que, ao entender do noso grupo, deberían desempeñar os GMIR de Brión están as de prestar vixianza e coordinación nos mementos de entrada e saída dos nenos e nenas do Colexio Público de Pedrouzos. Como de todos e sabido, nos instantes de entrada e saída do Colexio prodúcense constantes aglomeracións, agravadas no momento presente polo frecuente presencia de maquinaria que realiza traballos en obras próximas ao Colexio.

Co ánimo de que os GMIR de Brión realicen unha función de vixianza e prevención sobre posibles incidentes nos momentos de entrada e saída do Colexio, este Grupo Municipal, propón á Corporación en Pleno a toma en consideración do seguinte acordo:

1.- O Goberno Municipal insta ao GMIR de Brión para realiza funcións de vixianza e coordinación nos momentos de entrada e saída ao Colexio de Pedrouzos.

2.- Esta función de vixianza consistirá , fundamentalmente, en en atender as horas de saídas e entradas ao Colexio tanto na zona onde os nenos e nenas soben e baixan dos autobuses como nas zonas onde os pais e nais os deixan e recollen habitualmente.

Brión 7 de outubro de 2007
Xesús Pena Espiña
Concelleiro-Portavoz do B.N.G.

FOTO DO PLENO

2007-10-09T02:02:00.000-07:00

A páxina de INFOBRION publica unha foto da Corporación. Sutilmente so recolle oas compóñentes do grupo de goberno, aos Independentes !perdón aos do PSOE!. O resto da corporación, tamen presente no Pleno, nin se lle cita.
INFOBRION é un bo exemplo da pluralidade informativa dos medios ao servizo do Concello e da ética profesional dos "escribidores" que redactan as informacións.

XXV Aniversario da Festa do cabalo

2007-10-01T01:20:00.000-07:00

Este ano celebrouse o XXV Aniversario da Festa do cabalo en Brión, é sorprendente ver como o tempo vai pasando para todos nós, e a festa permanece intacta no tempo, inmutábel, e como todo o que non muda condenada a morrer. Ten, esta festa popular, todas as características dunha primeiriza, resumidas nun soa e rotunda afirmación: NEFASTA ORGANIZACIÓN. Os que alí estivemos, recibimos as queixas de afeccionados do mundo do cabalo e dos veciños e veciñas en xeral, dende a circulación, cuns accesos imposíbeis e que en caso dunha emerxencia o lugar sería unha ratoeria, ata os tempos das pobras que comezaron con tres horas de retraso, e que deixaron ver unha improvisación e unha ineficacia propia do I Aniversario e non do XXV. Se queremos que esta festa teña continuidade hai que planificala e modernizala, porque agora non somos 100 persoas as que asistimos, agora presumimos, dende o concello, de ser miles, polo tanto a reestruturación deste tipo de eventos faise imprescindíbel, e o acondicionamento das instalacións (pistas de carreiras...) non debe ser para un só día, senón que ao longo de todo o ano deben ser un referente e un lugar onde todos os brioneses e brionesas afeccionados aos cabalos poidan disfrutar delas, como se fai con outros deportes. Menos electoralismo e máis realidade e eficacia! C. Robledo.

Traballo municipal

2007-10-01T01:04:00.000-07:00

O bng de Brión vén de aprobar a moción sobre a continuidade da cidade da cultura presentada no pleno do día 25 de setembro. O noso grupo criticou o proxecto tal e como foi concebido na súa orixe, mais hoxe non ve outra solución para esta macroobra que non sexa a súa continuidade, dado o grande investimento que se leva feito e a crenza de que pode ser no seu día un referente para a cultura na liña doutras grandes obras urbanas, que no seu momento tamén crearon unha gran polémica ( guggenheim en Bilbo) e, hoxe, son a icona desas cidades.

O Hino.

2007-09-24T09:53:00.000-07:00

-O Hino... o hino... já fede tanta tonada com isso do hino...
-Homem pois eu, que queres que che diga...

-Nada, isso já até dá nojo; ademais para que se vai andar agora com isso? Isso foram tempos, cousas do passado...
-Bom, por um lado sim, ora por outro, que lhe queres... as cousas não sempre foram fáceis, é claro...
-Pois é claro que não o foram, razão demais para não vir lá agora amolar com a trapalhada essa, ou pensam que a gente é parva e aguenta o que lhe botem!
-Homem eu não o vejo assim tão despropositado, não sei... eu...
-O quê! Que vão para o caralho! Que o dianho os não leve, a eles e ao hino; quem cona se vai importar com que se tem ou não tem que dizer algo num raio de letra...?
-Home, tamém tu! a letra está bem, é um poema de Pondal.
-Eh!? Tu que dizes oh! Tu que dizes!, o hino espanhol não tem letra, a não ser que recuperarmos aquela de:

Franco Franco
que tiene el culo blanco
porque su mujeeeer...
lo lava com Arieeeel...

Ora por mim podem até mudar a marca do detergente, que esse igual já nem se fabrica.
-Espanhol? Eu pensava que estavas a falar no nosso, no hino galego.
-Mulher, e como ia falar no nosso! Não! Eu falava do deles que seica andam a lhe dar mais voltas que a um peão, para ver se lhe colocam uma letra.
-Bah, isso é outra cousa, a mim ao deles como se lhe querem por pitas chocas a cacarejar, que façam à sua vontade, o que queiram...
-Pois isso é o que eu che estava tratando de dizer todo este tempo; ora tu tamém! Mulher, tu não estás boa, como ia eu falar assim do nosso, às vezes caralho parece que não és bem!
-Desculpa, oh! É que como o nosso o levam criticado tanto pois eu pensei...
-Do nosso falam falam, e mais podiam calar, que não sabem o que falam.
-Tamém digo! Por isso é que não entendia onde tu querias ir ter com a conversa.
-Sabes o que? Que façam com o deles o que lhe saia da gana, e que deixem de tanto falar mal do nosso, que nós o deles não lho vamos lá meter no pote das papas como eles têm feito connosco, assim que não deviam dar tantas queixas...
-Isso digo eu, ademais a eles o que diga o nosso hino que mais lhe terá!
-Pois já vês! Falam para não estar calados, porque não entendem nada.
-Não entendem, não!
-E mas nós a eles sim que os entendemos, e bem que os entendemos!
-Sim, eles na escaleira querem sempre é subir.
-Isso, subir pisando na cabeça dos demais se for possível; porque, vamos! Vir-nos lá barrenar com a zaragalhada essa por mor do seu hino, como se não houvesse cousa mais importante no mundo da que se ocupar, que diz que até lhe foram com o conto lá perguntar ao Fernando Alonso, esse dos coches, não sei se conheces, para ver o que ele opinava... e quando depois os demais mencionamos o nosso, isso não lhes parece bem.
-Oh! Se ainda hão de querer que nós cantemos o deles no lugar do nosso, é claro.
-É mulher é, por isso não querem nem que aprendamos o nosso, oh caralho, digo-cho eu que os vejo vir, ai vejo, vejo... vá se os vejo!
-E eu também os vejo, que cega não sou, e deviam estar calados, que o que tem telhado de vidro não devia atirar pedras ao ar.
-Eles atiram as pedras, mas os condenados sempre atiram para o telhado dos outros.

Artigo publicado pola nosa compañeira Concha Rousia no xornal dixital "Vieiros", no seguinte enlace: http://www.vieiros.com/opinions/opinion/179/o-hino

Novo curso político

2007-09-03T14:07:00.000-07:00

Un novo curso político dá comezo, e ao BNG de Brión tamén lle toca poñerse as pilas.
Comezamos informando do pleno que terá lugar o día 5 de setembro ás 13 horas. Si ¡ás 13 horas!, horario insólito, que vimos denunciado dende tempos inmemoriabéis e que seguimos e seguiremos denunciando. Pero é normal que sexa a unha do mediodía , así ningún cidadán pode asistir, e polo tanto non pode saber o que se coce nas perolas do seu concello (non será nada bo), ao contrario de lugares como Vilasantar (A Coruña) que teñen que habilitar unha sala especial pola gran cantidade de público que asiste aos plenos, e parece ser que é algo que lle gusta a todo o mundo, porque non hai nada que ocultar e moito por facer e dicir. En fin! non perdemos a esperanza e quizais consigamos que os plenos se celebren polas tardes coma en todos os concellos da comarca compostelán. Con todo para aqueles e aquelas que poidan vir aí lles vai a orde do día:
1. Acta anterior.
2. Decretos habidos dende a celebración da última sesión ordinaria.
3. Actividades clasificadas.
4. Expediente de modificación de créditos.
5. Modificación de ordenanzas fiscais.
6. Calendario laboral 2007.
7. Rogos e preguntas.

O Grupo municipal de Bng de Brión está ao voso servizo. Terra a nosa!.

2007-06-22T10:02:00.000-07:00

GRAZAS A TODOS E A TODAS

VALORACIÓN DOS RESULTADOS ELECTORAIS DO 27 DE MAIO)

Grazas a todos e todas os que depositastes a vosa confianza na nosa candidatura e no noso programa.
Fomos a estas eleccións co obxectivo de incrementar a nosa presenza na corporación e romper a maioría absoluta do Sr. García García. Conseguimos incrementar a presenza do BNG no Concello subindo en votos, cun incremento do 23% e unha concellaría máis, pero non conseguimos o segundo obxectivo que era romperlle a maioría absoluta ao actual alcalde. De novo seguiremos outros catro anos máis coas mesmas formas de goberno: ausencia de proxectos innovadores e ilusionantes, falta dunha política urbanística equilibrada e sostíbel, e grandes deficiencias nos servizos básicos, culturais e sociais. En definitiva, seguiremos co mesmo goberno municipal que leva 28 anos rexendo os nosos destinos e cun alcalde que vén facendo da alcaldía a súa profesión.
De todas as maneiras, aprécianse algúns elementos positivos na lectura dos resultados electorais: as tres candidaturas baixo siglas de partidos parlamentarios é un elemento de avance democrático, agora todos xogamos coa mesma baralla e acabouse, o que viñeron facendo sempre os Independentes, como era o de colocarse ao sol que mais quentaba. O Partido Popular parece que empeza a recuperar o espazo perdido, e pode ser nun futuro un competidor serio, esperemos que non sexan neutralizados pola “chequera” municipal como fixeron cos seus anteriores representantes na corporación.
O grupo do alcalde, PSOE-Independentes, é unha opción en franco retroceso, perde votos e concellarías.
É certo que a sociedade brionesa é cada vez máis madura, máis plural, libre e democrática. Cada vez son máis os que saben valorar os proxectos que se propoñen para que o Concello avance e ás persoas que teñen capacidade para desenvolvelos. Dende logo que cada vez son máis, tanto en Brión como no resto de Galiza, os que están dispostos a xubilar aos vellos dinosaurios da política. Cada vez son máis os que queren espazos de goberno compartidos, gobernos de coalición equilibrados e formas de xestión con responsabilidades compartidas e transparencia nos asuntos públicos.
Nesta nova etapa desempeñaremos unha oposición seria e responsable, tomando como base de traballo o noso Programa Municipal, defenderemos propostas, iniciativas e proxectos que supoñan melloras para o conxunto da cidadanía e un crecemento sostíbel do Concello. Oporémonos rotundamente a proxectos que destrúan o territorio e con intensidade reclamaremos políticas sociais e de servizos acordes aos tempos que vivimos.

Saberemos escoitar a todos e a todas e mesmo abriremos canles de participación para que todos e todas os brioneses e brionesas vos poidades achegar ao BNG para que nos expoñades os vosos proxectos e inquietudes. Faremos do grupo municipal nacionalista unha plataforma de participación da cidadanía na vida municipal.

Todos e todas atoparedes na miña persoa e na da miña compañeira de corporación, Carme Robledo, os puntos de contacto para levar ao Concello os problemas e iniciativas das vosas aldeas, parroquias ou colectivos dos que formades parte. Tamén queremos que nos fagades chegar as vosas críticas cando o consideredes oportuno.
Comezamos unha nova etapa nova e ilusionante. Espéranos un intenso traballo pero recordade que as portas e os teléfonos do BNG de Brión estarán sempre abertas para recibir as vosas inquietudes.
Grazas a todos e a todas e ánimo.

Xesús Pena EspiñaPortavoz do Grupo Nacionalista.BNG